نئی دہلی، 22 فروری (یو این آئی) وزیر اعظم نریندر مودی نے جمعرات کو گنے کی قیمتوں میں اضافے کے کابینہ کے فیصلے کی تعریف کی مسٹر مودی نے کہا، ”اس قدم سے ہمارے گنے کی کاشت کرنے والے کروڑوں کسانوں کو فائدہ ہوگا قابل ذکر ہے کہ بدھ کے روز وزیر اعظم کی صدارت میں مرکزی کابینہ نے مالی سال 2024-25 کے لیے گنے کی قیمتوں میں اضافے کو منظوری دے دی، جسے منصفانہ اور منافع بخش قیمت (ایف آر پی) کہا جاتا ہے۔
مسٹر مودی نے اپنے آفیشل ایکس پر کہا کہ گنے کی پیداوار کرنے والے کسانوں کو فائدہ ہوگا۔
قابل ذکر ہے کہ گنے کی نئی ایف آر پی 340 روپے فی کوئنٹل مقرر کی گئی ہے جو کہ موجودہ 315 روپے فی کوئنٹل سے زیادہ ہے۔ یہ گزشتہ سال کے مقابلہ میں تقریباً آٹھ فیصد زیادہ ہے۔
کسانوں کو گنے کی موثر پیداوار کی حوصلہ افزائی کرتے ہوئے، مخصوص وصولی کی شرح سے ہر 0.1 فیصد پوائنٹ کے اضافے پر 3.32 روپے فی کوئنٹل کا پریمیم ملے گا۔
نظرثانی شدہ ایف آر پی 1 اکتوبر 2024 سے نافذ العمل ہوگی۔
یواین آئی۔ م ش