NationalPosted at: Sep 3 2025 11:18PM کثیر قطبی دنیا، امن اور اقوام متحدہ میں اصلاحات پر ہندوستان اور جرمنی کے خیالات ایک جیسے: مودی
نئی دہلی 3 ستمبر (یو این آئی) وزیر اعظم نریندر مودی نے کہا ہے کہ کثیر قطبی دنیا، امن اور اقوام متحدہ میں اصلاحات کے بارے میں ہندوستان اور جرمنی کے خیالات ایک جیسے ہیں مسٹر مودی نے یہ بات بدھ کو یہاں جرمنی کے وزیر خارجہ جوہان ویڈفول سے ملاقات کے دوران کہی جو ہندوستان کے دورے پر ہیں مسٹر جوہان ویڈفول نے وزیر خارجہ ڈاکٹر ایس جے شنکر کے ساتھ بات چیت کے بعد شام کو مسٹر مودی سے ملاقات کی۔
اس ملاقات کے بعد مسٹر مودی نے سوشل میڈیا پر ایک پوسٹ میں کہا کہ متحرک جمہوریتوں اور بڑی معیشتوں کے طور پر ہندوستان اور جرمنی کے درمیان مختلف شعبوں میں تعاون کے بے پناہ امکانات ہیں۔ مسٹر مودی نے جرمن چانسلر کو ہندوستان کے دورے کی دعوت بھی دی۔
انہوں نے کہا، "جرمن وزیر خارجہ جوہان ویڈفول سے مل کر خوشی ہوئی، ہندوستان اور جرمنی اپنی اسٹریٹجک شراکت داری کے 25 سال کا جشن منا رہے ہیں۔ فعال جمہوریتوں اور سرکردہ معیشتوں کے طور پر ہم تجارت، ٹیکنالوجی، اختراعات، پائیداری اور مینوفیکچرنگ کے لیے مشترکہ تعاون کے شعبوں میں باہمی فائدہ مند تعاون کو بڑھانے کے بے پناہ امکانات دیکھتے ہیں۔ کثیر قطبی دنیا، امن اور اقوام متحدہ میں اصلاحات کے لیے میں نے جرمن چانسلر کو جلد ہی ہندوستان کا دورہ کرنے کی دعوت کا اعادہ کیا۔
یو این آئی۔الف الف۔ م الف