EntertainmentPosted at: Aug 7 2024 12:02PM کرن جوہر سونی انٹرٹینمنٹ ٹیلی ویژن کے شو 'آپ کا اپنا ذاکر' میں شرکت کریں گےممبئی، 7 اگست (یو این آئی) بالی ووڈ کے معروف فلمساز کرن جوہر، سونی انٹرٹینمنٹ ٹیلی ویژن پر 10 اگست سے شروع ہونے والے شو 'آپ کا اپنا ذاکر' میں شرکت کریں گے۔سونی انٹرٹینمنٹ ٹیلی ویژن پر 10 اگست کو شو 'آپ کا اپنا ذاکر' کا پریمیئر ہونے جا رہا ہے۔ اس شو میں ذاکر خان زندگی کے مختلف حالات پر اپنا منفرد نقطہ نظر پیش کریں گے۔ وہ اپنے مزاحیہ پینل کے ساتھ روزمرہ کے تجربات کو ہنسی مزاق والے منظرناموں میں بدل دیں گے۔ ذاکر کے ہنسی کی ٹولی میں شویتا تیواری، رتوک دھنجانی اور پریش گناترا بھی شامل ہوں گے۔ حال ہی میں آپ کا اپنا ذاکر کا ایک پرومو ریلیز ہوا ہے، جس میں کرن جوہر نظر آ رہے ہیں۔ کرن جوہر اس شو میں پہلے مہمان کے طور پر نظر آئیں گے اور ذاکر خان کے سوالوں کے جواب دیں گے۔’آپ کا اپنا ذاکر‘ کا پریمیئر 10 اگست کو ہوگا۔ یہ شو ہر ہفتہ اور اتوار کو رات 9:30 بجے سونی انٹرٹینمنٹ ٹیلی ویژن پر نشر ہوگا۔یواین آئی۔الف الف