EntertainmentPosted at: Sep 9 2024 3:29PM ۔۔۔۔۔۔۔سال 1994 میں ہی اکشے کمار کی فلم میں کھلاڑی تو اناڑی بھی ریلیز ہوئی۔ اس فلم میں انہوں نے سیف علی خان کے ساتھ ناظرین کو بھوپر تفریح فراہم کیا۔ اس فلم میں ان پر فلمایا جانے والا گانا میں کھلاڑی تو اناڑی کافی مقبول ہوا۔ ان فلموں کی کامیابی کے بعد اکشے کمار نے فلم انڈسٹری میں اپنی شناخت قائم کرلی۔ 1997 میں ریلیز ہونے والی فلم دل تو پاگل ہے اکشے کمار کی سپر ہٹ فلم میں شامل کی جاتی ہے۔ اس فلم میں انہیں ایک بار پھر پروڈیوسر، ہدایت کار یش چوپڑا کے ساتھ کام کرنے کا موقع ملا۔ اس میں ان کے سامنے شاہ رخ خان تھے، اس کے باوجود اکشے کمار ایک چھوٹے سے کردار کے ذریعہ ناظرین کی توجہ مبذول کروانے میں کامیاب رہے۔ فلم میں ان کی مضبوط اداکاری کے لئے انہیں بہترین معاون اداکار کے لئے فلم فیئر ایوارڈ کے لئے بھی نامزد کیا گیا۔سال 2000 میں ریلیز ہونے والی فلم ہیراپھیری اکشے کمار کی اہم فلم میں شامل ہے۔ پریہ درشن کی ہدایت کردہ اس فلم سے پہلے لوگوں کا خیال تھا کہ اکشے کمار صرف ایکشن سے بھرپور اداکاری ہی کرسکتے ہیں، لیکن اس اکشے کمار نے فلم میں پریش راول اور سنیل شیٹی کے ساتھ مل کر انہوں نے اپنے کارناموں سے ناظرین کو ہنساتے ہنساتے لوٹ پوٹ کردیا۔ فلم کی کامیابی کو دیکھتے ہوئے 2006 میں اس کا سیکوئل پھر ہیرا پھیری بنایا گیا۔ سال 2001 میں اکشے نے اداکارہ ٹونکل کھنہ سے شادی کرلی۔2001 میں ، اکشے کمار کو ایک بار پھر پروڈیوسر ہدایت کار عباس مستان کے ساتھ فلم اجنبی میں کام کرنے کا موقع ملا۔ فلم میں ان کا کردار گرے شیڈز لئے ہوئے تھا۔ اس کے باوجود وہ ناظرین کا دل جیتنے میں کامیاب رہے۔ انہیں اس فلم کے لئے بہترین ولن کے لئے فلم فیئر ایوارڈ سے بھی نوازا گیا تھا۔ سال 2004 میں اکشے کمار کی ایک اور سپر ہٹ فلم مجھ سے شادی کروگی ریلیز ہوئی۔ ڈیوڈ دھون کی ہدایتکاری میں ، اس فلم میں پرینکا چوپڑا اور سلمان خان نے مرکزی کردار ادا کیے تھے۔ کامیڈی سے بھرپور اس فلم میں وہ بہترین کامیڈین اوربہترین معاون اداکار کے انہیں فلم فیئر ایوارڈ کے لئے نامزد کیا۔جاری یواین آئی۔الف الف
20 May 2025 | 7:41 PM