EntertainmentPosted at: Oct 11 2024 3:23PM رجنی کانت کی فلم 'ویٹائین' نے پہلے دن 31 کروڑ روپے کی کمائی کیممبئی، 11 اکتوبر (یو این آئی) جنوبی ہندوستانی فلموں کے میگا اسٹار رجنی کانت کی فلم 'ویٹائین' نے پہلے دن ہندوستانی مارکیٹ میں 31 کروڑ روپے سے زیادہ کی کمائی کرلی ہے۔ٹی جے گیان ویل کی ہدایت کاری میں بنی فلم 'ویٹائین' میں رجنی کانت کا مرکزی کردار ہے۔ اس فلم میں امیتابھ بچن کا بھی اہم کردار ہے۔ امیتابھ اور رجنی کانت نے اندھا قانون، گرفتار اور ہم جیسی سپر ہٹ فلموں میں کام کیا ہے۔ اس جوڑی کو 33 سال بعد ایک ساتھ دیکھا گیا ہے۔ شائقین کے زبردست رسپانس کے ساتھ ساتھ فلم ویٹائین کی اوپننگ بھی زبردست رہی ہے۔ وہیں اب اس فلم کی ریلیز کے پہلے دن کی کمائی کے اعداد و شمار آ گئے ہیں۔ ساکنلک کی رپورٹ کے مطابق 'ویٹائین' نے ریلیز کے پہلے دن 31.7 کروڑ روپے کی کمائی کی ہے۔ فلم نے تمل میں 27.75 کروڑ روپے، تیلگو میں 3.3 کروڑ روپے، ہندی میں 0.6 کروڑ اور کنڑ میں 0.05 کروڑ روپے کمائے ہیں۔لائکا پروڈکشن کے بینر تلے بننے والی فلم ویٹائین میں رجنی کانت اور امیتابھ بچن کے علاوہ رانا دگوبتی، فہد فاضل، منجو واریئر، دُشارا وجین، ریتیکا سنگھ، جی ایم سندر، روہنی، راؤ رمیش، رمیش تھلک، رکشن اور دیگر شامل ہیں۔ اس فلم کی موسیقی انیرودھ روی چندر کی ہے۔یواین آئی۔الف الف