EntertainmentPosted at: Mar 18 2025 10:15AM ابھیشیک بچن نے فلم بی ہیپی کے لیے ریمو ڈی سوزا کی تعریف کیممبئی، 18 مارچ (یو این آئی) بالی ووڈ اداکار ابھیشیک بچن نے فلم بی ہیپی کے لیے کوریوگرافر ہدایت کار ریمو ڈی سوزا کی تعریف کی ہے۔فلم بی ہیپی ایک جذباتی کہانی ہے جو باپ بیٹی کے رشتے پر مرکوز ہے۔ فلم میں ابھیشیک بچن شیو کا کردار ادا کر رہے ہیں، جو سنگل فادر ہیں۔ وہ اپنی بیٹی کی دیکھ بھال کرتے ہوئے زندگی کے اتار چڑھاؤ کا سامنا کررہے ہوتے ہیں۔ فلم میں ان کے رول کی گرمجوشی، مزاح اور دل کو چھو لینے والی کہانی کو بے حد سراہا جا رہا ہے۔ابھیشیک بچن نے کہا ’’میں نے فلم بی ہیپی سے خوب لطف اٹھایا۔ مجھے پورے خاندان کا رشتہ پسند آیا۔ خاص طور پر شیو اور دھارا کے درمیان مجھے یہ حقیقت پسند آئی کہ ریمو ایک ایسی کہانی سنانا چاہتے تھے جو ان کی پچھلی فلموں سے بالکل مختلف ہو اور یہ ’بی ہیپی‘ کے ساتھ پوری ہوئی۔ ریمو کچھ جذباتی اور نیا کرنا چاہتے تھے کہ یہ عام طور پر ایک پرجوش فلم ہے جس میں بچوں کی زندگیوں میں ایک باپ کا تعاون پیش کرنے کی کوشش کی گئی ہے اور مجھے یہ نیا اور دلچسپ پہلو پسند آیا۔واضح رہے کہ بی ہیپی، ریمو ڈی سوزا انٹرٹینمنٹ کے بینر تلے لیزیل ریمو ڈی سوزا کی طرف سے پروڈیوس اور ریمو ڈی سوزا کی ہدایت کاری والی فلم ہے۔ اس میں ایک سنگل اور وقف باپ اور اس کی سمجھدار بیٹی کے جذباتی سفر کو دکھایا گیا ہے۔ فلم میں ابھیشیک بچن، نورا فتحی، ناصر اور عنایت ورما نے مرکزی کردار ادا کیے ہیں جب کہ جانی لیور اور ہرلین سیٹھی معاون کرداروں میں نظر آئیں گے۔ بی ہیپی اب ہندوستان میں اور 240 سے زیادہ ممالک اور خطوں میں پرائم ویڈیو پر چل رہی ہے۔یو این آئی۔ این یو۔