EntertainmentPosted at: Apr 19 2025 3:59PM ایکسل انٹرٹینمنٹ کی فلم ’گراؤنڈ زیرو‘ کا کشمیر میں تاریخی پریمیئرکشمیر، 19 اپریل (یو این آئی) ایکسل انٹرٹینمنٹ کی فلم 'گراؤنڈ زیرو' کا کشمیر میں تاریخی پریمیئر ہوا۔گراؤنڈ زیرو" کے ساتھ بی ایس ایف کے ایک شاندار مشن کو اسکرین پر لانے کے لیے پوری طرح تیار ہے۔ یہ فلم کشمیر میں سیٹ کی گئی ہے اور ایک سچی کہانی پر مبنی ہے جو پہلے کبھی نہیں بتائی گئی تھی۔ ٹریلر اور پوسٹرز کے بعد بڑھتے ہوئے جوش و خروش کے درمیان، فلم کا کشمیر میں شاندار پریمیئر ہوا۔ یہ 38 سال بعد وادی میں پریمیئر ہونے والی پہلی فلم ہے۔پریمیئر کے دوران جب بی ایس ایف کے جوانوں اور فلم کی پوری ٹیم نے ریڈ کارپٹ پر انٹری دی تو پورا ماحول ہی بدل گیا۔ عمران ہاشمی، سائی تمہنکر، ہدایت کار تیجس پربھا وجے دیوسکر، پروڈیوسر رتیش سدھوانی اپنی بیوی ڈولی سدھوانی کے ساتھ، فرحان اختر اپنی اہلیہ شیبانی ڈانڈیکر کے ساتھ، اور شریک پروڈیوسر ارہان بگاتی جیسے بڑے نام ریڈ کارپٹ پر نظر آئے۔'گراؤنڈ زیرو' کے اس خصوصی پریمیئر کا اہتمام بی ایس ایف کے جوانوں کے لیے کیا گیا تھا اور فلم کی اسٹار کاسٹ اور ٹیم کی موجودگی نے اس لمحے کو اور بھی خاص بنا دیا تھا۔ فلم گراؤنڈ زیرو میں عمران ہاشمی بی ایس ایف کمانڈنٹ نریندر ناتھ دھر دوبے کا کردار ادا کر رہے ہیں۔ 'گراؤنڈ زیرو' عمران کی پہلی فلم ہوگی، جس میں وہ ایک فوجی افسر کا کردار ادا کریں گے۔ایکسل انٹرٹینمنٹ پروڈکشن کی پیش کردہ فلم گراؤنڈ زیرو کو رتیش سدھوانی اور فرحان اختر نے پروڈیوس کیا ہے۔ اس فلم کی ہدایت کاری تیجس دیوسکر نے کی ہے ۔ یہ فلم 25 اپریل کو سینما گھروں میں ریلیز ہونے والی ہے۔یو این آئی۔ ایم جے۔
20 May 2025 | 7:41 PM