EntertainmentPosted at: Apr 25 2025 2:26PM وجے ورما کی ویب سیریز مٹکا کنگ کی شوٹنگ مکملممبئی، 25 اپریل (یو این آئی) بالی ووڈ اداکار وجے ورما کی آنے والی ویب سیریز مٹکا کنگ کی شوٹنگ مکمل ہو گئی ہے۔ ناگ راج منجولے کی ہدایت کاری میں بننے والی ویب سیریز مٹکا کنگ 1960 کی دہائی کی ممبئی کی دنیا اور مٹکا جوئے کی سنسنی خیز کہانی پر مبنی ہے۔ اس سیریز میں وجے ورما مرکزی کردار ادا کر رہے ہیں۔ وجے ورما نے انسٹاگرام اسٹوری پر ایک خصوصی مٹکا کیک کی تصویر شیئر کرکے شوٹنگ مکمل ہونے پر خوشی کا اظہار کیا۔ وجے نے اپنی انسٹاگرام اسٹوری پر سرخ کپڑے سے ڈھکے ہوئے برتن کی تصویر پوسٹ کی۔ وجے ورما نے انسٹاگرام کے اسٹوریز سیکشن پر مٹکا کے سائز کے کیک کی تصویر شیئر کی اور اس کا کیپشن دیا، "مٹکا کنگ ریپڈ!" اس سیریز میں وجے کے علاوہ کریتیکا کامرا، سائی تمہنکر، گلشن گروور اور سدھارتھ جادھو بھی اہم کرداروں میں نظر آئیں گے۔ 'مٹکا کنگ' کو سدھارتھ رائے کپور کی رائے کپور فلمز نے پروڈیوس کیا ہے اور اسے ایمیزون پرائم ویڈیو پر ریلیز کیا جائے گا۔یو این آئی۔ ایم جے۔
20 May 2025 | 7:41 PM