EntertainmentPosted at: Apr 29 2025 12:01PM سدھانت چترویدی 32 برس کے ہوئےممبئی، 29 اپریل (یو این آئی) مشہور بالی ووڈ اداکار سدھانت چترویدی آج 32 برس کے ہو گئے ہیں۔ سدھانت چترویدی 29 اپریل 1993 کو بلیا، اتر پردیش میں پیدا ہوئے۔ جب وہ پانچ سال کے تھے تو ممبئی چلے گئے۔ ان کے والد چارٹرڈ اکاؤنٹنٹ ہیں اور والدہ گھریلو خاتون ہیں۔ سدھانت نے مٹھی بائی کالج، ممبئی میں تعلیم حاصل کی۔ ابتدائی طور پر وہ چارٹرڈ اکاؤنٹنٹ بننے کی خواہش رکھتے تھے، جبکہ اسٹیج پر اداکاری کو اپنا شوق سمجھتے تھے۔ اس دوران اس نے 2013 میں ٹائمز آف انڈیا فریش فیس مقابلہ میں حصہ لیا اور جیت گئے۔سال 2016 میں سدھانت چترویدی نے ٹی وی شو لائف صحیح ہے میں کام کیا۔ 2017 میں، اس نے ایمیزون پرائم ویڈیو سیریز انسائیڈ ایج میں پرشانت کنوجیا، ایک نوعمر کرکٹر کا کردار ادا کیا۔ یہ شو انڈین پریمیئر لیگ سے متاثر تھا۔ 2019 میں، سدھانت چترویدی نے زویا اختر کی ہدایت کاری میں بننے والی فلم گلی بوائے سے بالی ووڈ میں قدم رکھا۔ سدھانت نے اس فلم میں رنویر سنگھ اور عالیہ بھٹ کے ساتھ کام کیا تھا۔ اس فلم کے لیے سدھانت کو فلم فیئر ایوارڈز کی تقریب میں بہترین مرد ڈیبیو کے لیے نامزدگی ملی۔ اس کے ساتھ انہیں بہترین معاون اداکار کے فلم فیئر ایوارڈ سے نوازا گیا۔ سدھانت چترویدی نے 2021 میں یش راج فلمز کے بینر تلے بننے والی فلم بنٹی اور ببلی 2 میں رانی مکھرجی اور سیف علی خان کے ساتھ کام کیا، اس کے بعد سدھانت نے دیپیکا پڈوکون اور اننیا پانڈے کے ساتھ شکن بترا کی فلم گہرائیاں میں کام کیا، جس میں ان کی اداکاری کو سراہا گیا۔ اس کے بعد سدھانت چترویدی نے گہرائیاں، فون بھوت، کھو گئے ہم کہاں اور یودھرا جیسی فلموں میں کام کیا۔ سدھانت کی آنے والی فلموں میں دھڑک 2 اور دل کا دروازہ کھول نہ ڈارلنگ شامل ہیں۔یو این آئی۔ ایم جے۔
20 May 2025 | 7:41 PM