EntertainmentPosted at: Apr 29 2025 3:27PM پربھاس کی فلم 'باہوبلی' دوبارہ ریلیز ہوگی، اکتوبر میں سینما گھروں میں ہوگا دھمال!ممبئی، 29 اپریل (یو این آئی) جنوبی ہند کے میگا اسٹار پربھاس کی فلم 'باہوبلی' کا پہلا حصہ دوبارہ ریلیز کیا جائے گا۔فلم باہوبلی کے پروڈیوسر شوبو یارلاگڈا کی فرم آرکا میڈیا نے انسٹاگرام پر ایک پوسٹ شیئر کی ہے جس میں فلم کی دوبارہ ریلیز کا اعلان کیا گیا ہے۔ پوسٹ میں لکھا ہے، "اس خاص دن پر مجھے آپ سب کو یہ بتاتے ہوئے خوشی ہو رہی ہے کہ ہم اس سال اکتوبر میں باہوبلی کو ہندوستان اور بین الاقوامی سطح پر دوبارہ ریلیز کرنے کا منصوبہ بنا رہے ہیں۔ یہ صرف ایک ری-ریلیز نہیں ہوگی، یہ ہمارے پیارے مداحوں کے لیے جشن کا سال ہو گا! پرانی یادیں، نئے انکشافات اور کچھ زبردست سرپرائزز کی توقع کے ساتھ! باہوبلی۔ فلم باہوبلی اکتوبر میں دوبارہ ریلیز کی جائے گی تاہم اکتوبر میں ریلیز کی تاریخ کا فیصلہ نہیں کیا گیا ہے۔ایس ایس راجامولی کی ہدایت کاری میں بننے والی مقبول بلاک بسٹر فلم باہوبلی کی کہانی مہشمتی سلطنت اور اس کے حکمرانوں کے گرد گھومتی ہے۔ یہ امریندر باہوبلی، ایک طاقتور اور انصاف پسند بادشاہ اور اس کے بھائی بھللادیو، جو تخت پر قبضہ کرنا چاہتا ہے، کے درمیان جدوجہد کی کہانی ہے۔فلم باہوبلی میں پربھاس، رانا دگوبتی، انوشکا شیٹی، تمنا بھاٹیہ اور رمیا کرشنن نے مرکزی کردار ادا کیے تھے۔ اس بڑے بجٹ کی پیریڈ فلم کو بنانے میں تین سال سے زیادہ کا عرصہ لگا اور حیدرآباد کے راموجی فلم سٹی میں ایک بہت بڑا سیٹ بنایا گیا۔ اس فلم کو سال 2016 میں 'نیشنل ایوارڈ برائے بہترین فیچر فلم' سے نوازا گیا اور ہدایت کار راجامولی کو 'فلم فیئر بسیٹ ڈائریکٹر - تیلگو ایوارڈ' ملا۔ دو سال کے انتظار کے بعد، میکرز نے 2017 میں 'باہوبلی: دی کنکلوژن' ریلیز کی جو بہت کامیاب رہی۔یواین آئی۔الف الف
20 May 2025 | 7:41 PM