EntertainmentPosted at: Jun 17 2025 1:55PM انوراگ کشیپ کی کرائم ڈرامہ فلم 'نشانچی' کا اعلانممبئی، 17 جون (یو این آئی) ایمیزون ایم جی ایم اسٹوڈیوز نے انوراگ کشیپ کی ہدایت کاری میں بننے والی کرائم ڈرامہ فلم 'نشانچی' کا اعلان کیا ہے۔ایمیزون ایم جی ایم اسٹوڈیوز نے اعلان کیا ہے کہ ان کی فلم 'نشانچی' کا پریمیئر 19 ستمبر کو ہوگا۔ انوراگ کشیپ کی ہدایت کاری میں بننے والی یہ فلم اسکرین پر حالات کی ایک طاقتور اور حقیقی تصویر کشی ہے، جسے اجے رائے اور رنجن سنگھ نے فلپ فلمز کے ساتھ مل کر جار پکچرز کے بینر تلے پروڈیوس کیا ہے۔ ایشوریا ٹھاکرے نے فلم نشانچی سے اداکاری کی دنیا میں زبردست انٹری دی جس میں ان کے ساتھ ویدیکا پنٹو، مونیکا پنوار، محمد ذیشان ایوب اور کمود مشرا مرکزی کردار میں ہیں۔ فلم میں دو بھائیوں کی پیچیدہ زندگیوں کو شاندار طریقے سے دکھایا گیا ہے . انوراگ کشیپ نے کہا، "ہم نے نشانچی کی کہانی 2016 میں لکھی تھی۔ تب سے، میں اس فلم کو بالکل اسی طرح بنانا چاہتا تھا جس طرح اسے ہونا چاہیے، اور میں ایک ایسے اسٹوڈیو کی تلاش میں تھا جس میں مجھ پر مکمل اعتماد ہو۔ مجھے خوشی ہے کہ ایمیزون ایم جی ایم نے اسے پسند کیا، انہوں نے اس پر یقین کیا، اور ہمارے لیے ایک مضبوط سہارا بنے۔یواین آئی۔ ایم جے۔