EntertainmentPosted at: Oct 8 2025 3:48PM

آن اسکرین پر ایئر فورس آفیسر کا زبردست کردار نبھانے والی اداکارائیں

ممبئی، 8 اکتوبر (یو این آئی) بالی ووڈ کی کئی نامور اداکاراؤں نے سلور اسکرین پر ہندستانی فضائیہ (ایئر فورس) کی بہادر خاتون افسر کا کردار نہایت شاندار انداز میں نبھایا ہے۔

ایئر فورس ڈے کے موقع پر ہم ان بہادر سپاہیوں کو سلام پیش کرتے ہیں جو ہندستان کے آسمان کی حفاظت کرتے ہیں — خاص طور پر ہندستانی فضائیہ کے وہ مرد و خواتین جن کی جرأت اور قربانی سے ملک محفوظ رہتا ہے اور ترقی کی نئی بلندیوں کو چھوتا ہے۔
ان ہی ہیروز کو خراجِ عقیدت پیش کرتے ہوئے، اُن اداکاراؤں کو بھی یاد کرنا ضروری ہے جنہوں نے بڑے پردے پر وردی پہن کر ان کے حوصلے اور جذبے کو زندہ کیا۔
ان فنکاراؤں نے اپنے کرداروں کے ذریعے ہندستانی سنیما میں ناری شکتی ، عزم اور حب الوطنی کی نئی مثال قائم کی ہے۔

جھانوی کپور “گُنجن سکسینا: دی کارگل گرل۔
اس فلم میں جھانوی کپور نے فلائٹ لیفٹیننٹ گُنجن سکسینا کا کردار ادا کیا، جو ہندستان کی پہلی خاتون کامبیٹ پائلٹس میں سے ایک تھیں۔
کارگل جنگ کے پس منظر میں بنی اس فلم میں جھانوی نے ایک ایسی عورت کی جدوجہد کو حقیقت سے قریب تر انداز میں پیش کیا جو مردوں کے غلبے والی دنیا میں اپنی پہچان بناتی ہے۔
ان کی جذباتی اور مضبوط اداکاری ناظرین کے لیے ایک تحریک بن گئی۔

دیپیکا پادوکون – “فلم فائٹر میں دیپیکا پادوکون نے اسکواڈرن لیڈر منل راٹھوڑ کا کردار نبھایا۔
ان کی شاندار اسکرین موجودگی، ایکشن مناظر میں مہارت اور کردار کے تئیں ان کی مکمل لگن نے اس رول کو یادگار بنا دیا۔
دیپیکا کا یہ کردار نہ صرف طاقت اور حساسیت کا سنگم تھا بلکہ ہندستاسنی فضائیہ کی بہادری کو ایک سچی خراجِ تحسین بھی تھا۔

نڈر اور پُرجوش کنگنا رناوت نے فلم تیجس میں ہندستانی فضائیہ کی ایک بہادر پائلٹ کا کردار ادا کیا۔
فلم میں ان کا کردار ایک خطرناک مشن پر روانہ ہوتا ہے، اور کنگنا نے اپنی شجاعت اور اعتماد سے اس رول میں جان ڈال دی۔
انہوں نے ہندستانی آسمان کے ان نادیدہ محافظوں کے جذبے کو خوبصورتی سے پردے پر اتارا۔

فلم رن وے 34 میں رکول پریت سنگھ نے پائلٹ آفیسر تانیا البوکرک کے طور پر گہرا تاثر چھوڑا۔
اگرچہ فلم شہری ہوا بازی (سِول ایوی ایشن) پر مبنی تھی، لیکن رکول کی اداکاری نے دکھایا کہ پائلٹ کے پیشے میں نظم و ضبط، توازن اور حوصلہ کتنا ضروری ہے۔
ان کی پرفارمنس نے فلم کو جذباتی گہرائی اور مضبوطی بخشی۔

ان تمام اداکاراؤں نے اپنے کرداروں کے ذریعے یہ ثابت کیا کہ حب الوطنی صرف جنگ کے میدان میں نہیں، بلکہ ہر اس دل میں بسی ہوتی ہے جو “بھارت ماتا کی جے” کہنے کا حوصلہ رکھتا ہے۔

یو این آئی۔
ایم جے۔

Entertainment

ماں کے مضبوط کردار کو فلموں میں زبردست سراہا گیا

کیفی اعظمی کی شاعری آج بھی ظلم کے خلاف آواز اور انسان دوستی کی علامت سمجھی جاتی ہے

کارتک آرین کے لیے ماں کے ساتھ ہر 'مدرز ڈے' ہے خاص

ماں کے مضبوط کردار کو فلموں میں زبردست سراہا گیا

10 May 2026 | 4:03 PM

(مدرز ڈے کے موقع پر) .