EntertainmentPosted at: Dec 13 2025 3:48PM

سال 2025 میں جھانوی، یامی، تِرپتی اور کرتی سَنن سمیت کئی اداکاراؤں کے جلوے

ممبئی، 13 دسمبر (یو این آئی) سال 2025 میں بڑی اسکرین پر جھانوی کپور، یامی گوتم، ترپتی ڈمری، کرتی سنن، رشمیکا مندانا اور انیت پڈا سمیت کئی اداکاراؤں نے اپنی زبردست اداکاری سے ناظرین کو متاثر کیا۔

سال 2025 ان اداکاراؤں کا سال ثابت ہوا جنہوں نے نہ صرف اداکاری کی بلکہ پردۂ سیمیں پر مکمل طور پر اپنی موجودگی قائم کی۔

جھانوی کپور کے لیے 2025 ایک فیصلہ کن سال رہا، ایک ایسا موڑ جہاں انہوں نے بڑی اسکرین پر پوری کمان اپنے ہاتھ میں لے لی۔
سنی سنسکاری کی تُلسی کماری میں ان کی دھماکے دار کمرشل انرجی اور شاندار کامک ٹائمنگ نے اسکرین پر ایسی چمک بکھیری کہ ان کی بڑھتی ہوئی باکس آفس مقبولیت مضبوط ہو گئی۔
اس کے بعد پرم سندری میں ان کی اسٹائلش اور پراعتماد رومانٹک کامیڈی اسٹار شخصیت مزید نکھر کر سامنے آئی، جس نے انہیں ایک مضبوط کمرشل اسٹار بنا دیا۔

اس کے علاوہ ہوم باؤنڈ میں ان کی اداکاری نے سب کے دل چھو لیے۔
اس طرح اس سال ریلیز ہونے والی ان تینوں فلموں کے ذریعے جانھوی نے نہ صرف اپنی رینج دکھائی بلکہ اپنی موجودگی کا بھرپور اعلان بھی کیا۔
انہوں نے ثابت کر دیا کہ اب وہ محض ایک ابھرتی ہوئی اداکارہ نہیں بلکہ اپنی نسل کی سب سے مؤثر تھیٹریکل اداکاراؤں میں مضبوطی سے کھڑی ہیں۔

یامی گوتم ہمیشہ سے ایک بااثر اداکارہ کی شبیہ پیش کرتی آئی ہیں اور فلم حق نے ان کی اس طاقت کو مزید نکھار کر سامنے رکھا ہے۔
اس فلم میں ان کی اداکاری مضبوطی، ایمانداری اور جذباتی وضاحت پر مبنی ہے۔
یامی اس کہانی کی دھڑکن بھی ہیں اور اس کی روح بھی۔
اگرچہ حقیقت پر مبنی کرداروں میں وہ پہلے ہی نمایاں رہی ہیں، مگر حق نے انہیں ایک نئی بلندی دی ہے۔
اپنی فلموں کے انتخاب سے بھی انہوں نے ایک بار پھر ثابت کیا ہے کہ وہ شور نہیں بلکہ معنی کو ترجیح دیتی ہیں۔
یہی وجہ ہے کہ حق انہیں ہندی سنیما کی سب سے قابلِ اعتماد اور مؤثر ڈرامائی اداکاراؤں میں مستقل مقام دلاتی ہے۔

جاری یو این آئی۔
ایم جے۔

Entertainment

فلم ’تو یا میں‘ کا گانا ’فیم یو ایس‘ ریلیز

’راہو کیتو‘ میں پلکت سمراٹ اور ورون شرما نے کرداروں کے ساتھ کیا انصاف: سورج سنگھ

سہگل :درد بھرے نغموں کے شہشاہ

18 Jan 2026 | 7:10 PM

(18 جنوری برسی کے موقع پر).