EntertainmentPosted at: Dec 14 2025 11:48AM

شیلیندر کے نغموں میں زندگی کے مختلف رنگوں کی جھلک

(14 دسمبر برسی کے موقع پر جاری)
ممبئی، 14 دسمبر (یو این آئی) بالی وڈ کے معروف نغمہ نگار شیلیندر نے دو دہائی تک تقریباً 170 فلموں میں زندگی کے ہر فلسفہ اور ہررنگ پر بے شمار نغمے لکھے جو آج بھی دنیا بھر میں شوق سے سنے جاتے ہیں۔
ان کے نغموں کی کشش، دھیما پن اور لوچ ایسا تھا جس کی کیفیت سننے والے ہی بیان کرسکتے ہیں۔
انہوں نے اپنے نغموں کے ذریعے زندگی کے ہر پہلو کو اجاگر کیا ہے۔

پنجاب کے راولپنڈی شہر (پاکستان) میں 30 اگست 1923 کو پیدا ہونے والے شیلیندر کا پورا نام شنکرداس کیسری لال عرف شیلیندر تھا۔
انہوں نے اپنے کیریئر کا آغاز ممبئی میں انڈین ریلویز میں نوکری سے کیا تھا۔
ملازمت کے سلسلے میں وہ اکثر سفر میں بھی رہتے تھے۔
اس کے باوجو وہ اپنا زیادہ تر وقت نظمیں لکھنے میں ہی گزارتے تھے جس کی وجہ سے ان کے افسران ان سے ناراض رہتے تھے۔

نغمہ نگار شیلیندر ، موسیقار شنکر جے کشن اور فلم ساز،اداکار راج کپور کی ٹیم نے اپنے دور میں بالی وڈ میں دھوم مچادی تھی۔
انہوں نے 1950اور1960کے عشروں میں متعدد معروف ہندی فلموں کے نغمے لکھے جنہیں لازوال شہرت حاصل ہوئی۔

اسی دوران شیلیندر ملک تحریک آزادی میں شامل ہوگئے تھے اور جلسوں وغیرہ میں اپنی نظمیں پڑھ کر سنایا کرتے تھے۔
سب سے پہلے فلم ساز راج کپور نے شیلیندر میں چھپے ہوئے فنکارکو پہچانا۔

یہ اس وقت کی بات ہے جب شیلیندر ایک مشاعرے میں اپنی نظم ”جلتا ہے پنجاب“ پڑھ رہے تھے۔
راج کپور کو ان کا انداز بہت پسند آیا اور انہوں نے اپنی فلموں کے لئے نغمے لکھنے کی پیش کش کی مگر اس موقع پر نہ جانے شیلیندر کو کیا ہوا کہ انہوں نے راج کپور کی یہ پیشکش مسترد کردی۔
اس کی بظاہر کوئی معقول وجہ بھی نہیں تھی، مگر بعد میں انہیں اپنی غلطی کا احساس ہوا تو انہوں نے راج کپور سے خود رابطہ کیا اور ان کی پیشکش قبول کرنے پر آمادہ ہوگئے۔

بطور نغمہ نگار شیلیندر نے اپنا پہلا نغمہ 1949 میں ریلیز راج کپور کی فلم برسات کے لئے ’برسات میں تم سے ملے ہم سجن‘ لکھا تھا۔
اسی فلم سے بطور موسیقار شنکر جے کشن نے بھی اپنے کیرئر کا آغاز کیا تھا۔
اس فلم کے بعد شیلیندر ، راج کپور کے پسندیدہ نغمہ نگار بن گئے اور اس جوڑی نے کئی فلمیں ایک ساتھ کیں۔
اس کے علاوہ دیگر فلموں میں آوارہ، آہ، شری 420، چوری چوری، اناڑی، جس دیش میں گنگا بہتی ہے، سنگم، تیسری قسم، اراؤنڈ دی ورلڈ، دیوانہ، سپنوں کا سوداگر اور میرانام جوکر وغیرہ شامل ہیں۔

شیلیندر انڈین پیپلز تھیٹر (اپٹا) کے بانیوں میں سے ایک تھے۔
وہ اپنے نغموں کے لئے تین مرتبہ فلم فیئر ایوارڈ سے بھی نوازے گئے۔

شنکر جے کشن کے علاوہ نغمہ نگار شیلیندر نے بالی وڈ کے دیگر معروف اور مقبول موسیقاروں کے ساتھ بھی کام کیا ۔
شیلیندر نے ’’بوٹ پالش، شری 420 اور تیسری قسم‘‘ میں اداکاری کے جوہر بھی دکھائے اس کے علاوہ انہوں نے 1960 میں فلم پرکھ کے لئے ڈائیلاگ بھی لکھے۔

شیلیندر نے فلم ”تیسری قسم“ (1966) کی تخلیق کی لیکن باکس آفس پر اس کی ناکامی کے بعد انہیں شدید صدمہ پہنچا۔
انہوں نے اس فلم پر اپنی ساری جمع پونجی لگادی تھی اور فلم ناکام ہوگئی تھی۔
جس کی وجہ سے انہیں کئی مرتبہ دل کا دورہ پڑا۔

انہوں نے 13 دسمبر 1966 کو راج کپور کو اپنے کاٹج میں بلاکر ان کی فلم میرانام جوکر کا نغمہ ’جینا یہاں مرنا یہاں‘ کو پورا کرنے کا وعدہ کیا تھا لیکن وہ وعدہ ادھورا ہی رہ گیا اور اگلے ہی دن 14 دسمبر 1966 کو ان کی موت ہوگئی۔
اسے محض ایک اتفاق ہی کہا جائے گا کہ اسی دن راج کپور کی سالگرہ دن بھی تھی۔

یو این آئی۔
این یو۔

Entertainment

گبر سے لے کر موگیمبو تک، ’پشپا امپوسیبل‘ کے فنکاروں نے اپنے پسندیدہ بالی ووڈ ولن کا ذکر کیا

تین سال بعد بھی یادگار ہے ’بلبل جوہری‘، ’میڈ ان ہیون 2‘ میں مونا سنگھ نے پیش کیا تھا الگ انداز

’مرزاپور: دی مووی‘ کے ٹریلر سے پہلے جاری ہوئے چار بہترین پوسٹر

’بٹوارہ 1947‘ کی پنجاب پروموشن کے دوران سنی دیول پہنچے پارٹیشن میوزیم

’’ٹاکسک‘‘ صرف کنّڑ فلم نہیں بلکہ بھارتی فلم ہے: یش

گبر سے لے کر موگیمبو تک، ’پشپا امپوسیبل‘ کے فنکاروں نے اپنے پسندیدہ بالی ووڈ ولن کا ذکر کیا

10 Aug 2026 | 5:21 PM

ممبئی، 10 اگست (یو این آئی) سونی سب کے مقبول شو ’پشپا امپوسیبل‘ میں پشپا ان دنوں اپنے سب سے مشکل دشمنوں میں سے ایک کادمبری کا سامنا کر رہی ہیں۔ کادمبری کی مسلسل چالوں نے پشپا اور اس کے خاندان کی مشکلات بڑھا دی ہیں۔ شو میں کادمبری کا کردار جہاں ناظرین کی توجہ کھینچ رہا ہے، وہیں اسی بہانے شو کے فنکاروں نے اپنے بچپن کے ان یادگار بالی ووڈ ولن کو یاد کیا، جن کے کردار اور مکالمے آج بھی سینیما کے شائقین کی یادوں میں بسے ہوئے ہیں۔بالی ووڈ کے آئیکونک ولن کی بات ہو تو گبر سنگھ سے لے کر موگیمبو اور کانچا چیئنا تک، کئی ایسے کردار رہے ہیں، جنہوں نے منفی کردار کو ایک الگ پہچان دی۔ ’پشپا امپوسیبل‘ کے فنکاروں.