EntertainmentPosted at: Jan 16 2026 10:22AM

کمال امروہی۔۔۔۔۔۔۔۔۔ تین

فلم’ محل‘ کمال امروہوی کے کیرےئر کا اہم موڑ ثابت ہوئی۔
یہ فلم تجسس اوررومانس سے بھری تھی۔
فلم ساز اشوک کمار نے اس کی ہدایت کاری کی ذمہ داری کمال امروہوی کو سونپی۔
بہترین گیتوں اور موسیقی کے سبب یہ فلم سپر ہٹ ثابت ہوئی اور اس کے بعد سے ہی فلموں میں سسپنس کا رواج چل پڑا۔
فلم کی زبردست کامیابی نے مدھوبالا اور لتامنگیشکر کو نئی شناخت فراہم کی۔
اس سے حوصلہ پاکر کمال امروہوی نے 1953میں کمال پکچرس اور 1958میں کمالستان اسٹوڈیو کی بنیاد رکھی۔
اس کے بینر تلے انہوں نے اپنی بیوی مینا کماری کو لے کرایک آرٹ فلم ’’دائرہ‘‘ بنائی لیکن یہ فلم کامیاب نہ ہوسکی۔
اسی دوران فلم ساز و ہدایت کار کے آصف اپنی اہم فلم ’مغل اعظم‘ بنانے میں مصروف تھے۔
اس کے ڈائیلاگ وجاہت مرزا لکھ رہے تھے۔
کے آصف نے محسوس کیا کہ ایک ایسے ڈائیلاگ لکھنے والے کی ضرورت ہے جس کے تحریر کردہ ڈائیلاگ ناظرین کے دماغ میں برسوں تک گونجتے رہیں۔
اس کے لئے انہوں نے کمال امروہوی کا انتخاب کیا اور انہوں نے چارڈائیلاگ لکھنے والوں میں شامل کرلیا۔
ان کے تحریر کردہ ڈائیلاگ کی مقبولیت کا یہ عالم تھا کہ عاشق و معشوق خط و کتابت میں ان کا استعمال کرتے تھے۔
اس فلم میں بہترین ڈائیلاگ لکھنے کے لئے انہیں فلم فےئر انعام سے بھی نوازا گیا۔

کمال امروہوی نے فلم جیلر(1938) ‘ میں ہاری (1940)‘ بھروسہ (1940)‘ مذاق (1943)‘ پھول (1945)‘ شاہ جہاں (1946)‘ محل(1949)‘ دائرہ(1953)‘ دل اپنا اور پریت پرائی(1960)مغل اعظم (1960) پاکیزہ (1971)‘ شنکر حسین (1971) اور رضیہ سلطان (1983) فلموں کے لئے کہانی‘ ڈائیلاگ اوراسکرپٹ لکھی۔
یہ سچ ہے کہ انہوں نے بڑی تعداد میں فلموں کے لئے اپنی خدمات پیش نہیں کی لیکن جن چنندہ فلموں میں انہوں نے کام کیا‘ پوری یکسوئی ‘ لگن اور جنون کے ساتھ کام کیا۔
یہ صحیح ہے کہ ان کے کام کرنے کی رفتار انتہائی سست ہوتی تھی‘ جس کے سبب ان پر تنقید بھی کی جاتی تھی۔
’رضیہ سلطان‘ کی فلم سازی کی رفتار دھیمی ہونے کے سبب ہیمامالنی نے بھی ان پر تنقید کی تھی۔
لیکن ان کے کام میں ان کی شخصیت کی جھلک صاف نظر آتی تھی۔

جیسا کہ پہلے کہا جاچکا ہے کہ ’پاکیزہ‘ کمال امروہوی کی ڈریم پروجیکٹ فلم تھی جس پر انہوں نے 1958میں کام کرنا شروع کردیاتھا۔
یہ عہد بلیک اینڈ وہائٹ فلموں کا تھا۔
یہ فلم بھی بلیک اینڈ وہائٹ بننے والی تھی۔
کچھ عرصہ بعد ہندوستان میں سنیمااسکوپ کا رواج ہوا تو انہوں نے 1961میں سنیما اسکوپ کی شکل میں بنانا شروع کیا۔
لیکن کمال امروہوی کی اپنی تیسری بیوی میناکماری سے علاحدگی کے سبب اس کی فلم سازی1961تا 1969 تعطل کا شکار رہی۔
بعدازاں انہوں نے میناکماری کو کسی طرح اس فلم میں کام کرنے پر راضی کیا۔
بالآخر 1971میں یہ فلم مکمل ہوئی اور فروری 1972میں ریلیز ہوئی۔

جاری یو این آئی۔
ایم جے

Entertainment

دلکش اداؤں سے دیوانہ بنایا امرتا سنگھ نے

رنوییر سنگھ کے ‘ڈان 3’ سے الگ ہونے پر ایکسل انٹرٹینمنٹ نے ہرجانے کا مطالبہ کیا

رنویر سنگھ کے ڈان 3 چھوڑنے پر ایکسل انٹرٹینمنٹ نے معاوضے کا مطالبہ کیا

شیماروُ پر 12 فروری کو اسٹریمنگ ہوگی ویب سیریز ‘دل دھوکہ اور ڈیزائر’

دلکش اداؤں سے دیوانہ بنایا امرتا سنگھ نے

10 Feb 2026 | 3:49 PM

سالگرہ 9 فروری کے موقع پر.