EntertainmentPosted at: Feb 14 2026 9:40AM

ڈسکو کنگ بپی لہری

پندرہ فروری برسی کے موقع پر
ممبئی، 14فروری (یو این آئی)بالی وڈ میں بپی لہری ان موسیقاروں میں شمار کیے جاتے ہیں جنہوں نے فلمی موسیقی آلات کے استعمال کے ساتھ فلمی موسیقی میں مغربی موسیقی کو ملا کر ’ڈسکو تھیک‘ کی ایک نئی صنف تیار کی۔

اپنے اس نئے تجربے کی وجہ سے بپی لہڑی کو اپنے کیرئیر کے ابتدائی دور میں کافی تنقید کا سامنا بھی کرنا پڑا لیکن بعد میں ان کے میوزک کو شائقین نے بے حد سراہا اور وہ فلم انڈسٹری میں ڈسکو کنگ کے نام سے مشہور ہوئے۔

بپی لہری کو بالی ووڈ کا راک اسٹار کہاجاتا ہے ان کی پیدائش 27 نومبر 1952 کو کلکتہ میں ہوئی ان کا حقیقی نام آلوکیش لہری تھا، وہ بچپن سے ہی موسیقی کی طرف مائل تھے۔
ان کے والد اپریش لہری بنگالی گلوکار تھے، جب کہ والدہ ونسری لہری ایک موسیقار اور گلوکارہ تھیں ۔
والدین نے ان کے موسیقی کی جانب بڑھتے رجحان کو دیکھتے ہوئے انہیں اس راستے پر چلنے کی ترغیب دی۔
انہوں نے تِین سال کی عُمْر میں ہی طبلہ بجانا شُرُوع کر دِیا تھا۔
اس دوران انہوں نے اپنے والدین سے موسیقی کی ابتدائی تعلیم بھی حاصل کی۔

بپی لہڑی نے بطور موسیقار اپنے کیرئیر کا آغاز 1972 میں ریلیز ہونے والی بنگالی فلم ’دادو‘سے کیا لیکن یہ فلم باکس آفس پر ناکام رہی۔
اپنے خوابوں کو پورا کرنے کے لیے انہوں نے ممبئی کا رخ کیا۔
سال 1973 میں ریلیز فلم ’ننھا شکاری‘ بطور موسیقار ان کے کیریئر کی پہلی ہندی فلم تھی لیکن بدقسمتی سے یہ فلم بھی ٹکٹ کھڑکی پر ناکام ثابت ہوئی۔

بپی لہری کی قسمت کا ستارہ سال 1975 میں فلم ’زخمی‘ سے چمکا۔
اس فلم میں سنیل دت، آشا پاریکھ، رینا رائے اور راکیش روشن نے مرکزی کردار ادا کیے تھے، جس میں’ آؤتمہیں چاند پہ لے جائے ‘ اور ’جلتا ہے جیا میرا بھیگی بھیگی راتوں میں‘ جیسے نغمے مقبول ہوئے۔
آج بھی ہولی کے موقع پر ’زخمی دلوں کا بدلہ چکانے‘ جیسا نغمہ اپنا ایک خاص مقام رکھتاہے۔

سال 1976 میں بپی لہری کی میوزک ڈائریکشن میں بنی ایک اور سپرہٹ فلم ’چلتے چلتے‘ ریلیز ہوئی۔
فلم میں کشور کمار کی آواز میں گانا ’چلتے چلتے میری یہ گیت یاد رکھنا‘ آج بھی سامعین میں اپنی انمٹ شناخت بنائے ہوئے ہے۔
فلم زخمی اور چلتے چلتے کی کامیابی کے بعد بپی لہڑی بطور موسیقار اپنی شناخت بنانے میں کامیاب ہوگئے۔

سال 1982 کی فلم ’نمک حلال‘ کا شمار بپی لہری کے کیرئیر کی اہم فلموں میں کیا جاتا ہے۔
پرکاش مہرا کی ہدایت کاری میں بنی اس فلم میں سپر اسٹار امیتابھ بچن نے مرکزی کردار ادا کیا تھا۔
فلم میں کشور کمار کی آواز میں بپی لہری کا ’ پگ گھنگرو باندھ میرا ناچی تھی‘ گانا ان دنوں شائقین میں کریز بنا ہوا تھا اور آج بھی جب کبھی سنائی دیتا ہے تو لوگ رقص کرنے پر مجبور ہو جاتے ہیں۔

سال 1983 میں ریلیز ہوئی فلم ڈسکو ڈانسر بپی لہڑی کے فلمی کیریر میں سنگ میل ثابت ہوئی۔
بی سبھاش کی ڈائریکشن میں متھن چکرورتی کی اداکاری والی اس فلم میں بپی لہڑی کی موسیقی کا ایک نیا انداز دیکھنے کو ملا۔
’آئی ایم اے ڈسکو ڈانسر‘ ، جمی جمی جمی آجا آجا جیسے ڈسکو گانوں نے ناظرین کو جھومنے پر مجبور کردیا ۔
بپی لہڑی اس فلم کی میابی کے بعد ڈسکو کنگ کے طور پر مشہور ہوگئے۔

سال 1984 میں بپی لہری کے فلمی سفر کی ایک اور سپر ہٹ فلم ’شرابی‘ منظرعام پر آئی۔
اس فلم میں انہیں ایک بار پھر پروڈیوسر پرکاش مہرا اور سپر اسٹار امیتابھ بچن کے ساتھ کام کرنے کا موقع ملا۔
بپی لہری نے فلم میں اپنے میوزیکل سپر ہٹ نغموں ’دے دے پیار دے، منزلیں اپنی جگہ ہیں‘ سے سامعین کو مسحور کردیا اور انہیں اپنے کیریر میں پہلی بار بہترین میوزک ڈائریکٹر کے فلم فیئر ایوارڈ سے بھی نوازے گئے۔

نوے کی دہائی میں بپی لہری کی فلموں کو متوقع کامیابی نہیں ملی۔
حالانکہ وہ 1993 میں’ آنکھیں اور دلال‘ کے ذریعے فلم انڈسٹری میں واپس آئے لیکن اس کے بعد ان کی فلمیں زیادہ کامیابی حاصل نہ کر سکیں۔

بپی لہری نے کئی فلموں میں اپنی گلوکاری سے بھی سامعین کو دیوانہ بنایا ہے، ان کے گائے ہوئے گانوں کی طویل فہرست میں ’ بمبئی سے آیا میرا دوست، دیکھا ہے میں نے تجھے پھر سے پلٹ کے، تو مجھے جان سے بھی پیارا ہے۔
، یاد آرہا ہے تیرا پیار، سپر ڈانسر آئے ہیں آئے ہیں، جینا بھی کیا ہے جینا، یار بنا چین کہاں رے، تمہ تمہ لوگے، پیار کبھی مت کرنا، دل میں ہو تم خوابو میں تم، او لالا اولالا وغیرہ شامل ہیں۔
بپی لہری نے15 فروری 2022 کو اس دار فانی کو الوداع کہا۔

یو این آئی۔
این یو۔

Entertainment

جب ایک تھپڑ اور طلاق انجلی شرما زندگی میں اہم موڑ ثابت ہوا

ششی کپور نے رومانوی ہیرو کے طورپر اپنی شناخت بنائی

علیشا چنائے کو بچپن سے ہی موسیقی میں گہری دلچسپی تھی

رتنا پاٹھک نے اپنے منفرد انداز سے لوگوں کے دلوں میں جگہ بنائی

مدھر بھنڈارکر نے رنویر سنگھ کی لگن اور محنت کی بے پناہ تعریف کی

جب ایک تھپڑ اور طلاق انجلی شرما زندگی میں اہم موڑ ثابت ہوا

17 Mar 2026 | 6:06 PM

اداکارہ انجلی شرما کی نئی سیریز "ہاؤس وائف بنی باس" میں انٹری .