EntertainmentPosted at: Jun 12 2026 4:52PM

مہدی حسن 2

سال 1957میں مہدی حسن کو ریڈیو پاکستان پربطور ٹھمری گانے کا موقع ملا۔
موسیقی برادری میں اس ٹھمری گائیکی نے مہدی حسن کو متعارف کرایا۔
وہ اردو شاعری کے بھی دلدادہ تھے۔
انہوں نے جزوقتی بنیاد پر غزل گائیکی شروع کردی۔
مہدی حسن کو اس وقت مقبولیت کی انتہاچھونے کا موقع ملا جب غزل گائیکی کے بڑے بڑے نام استاد برکت علی خان‘ بیگم اختر اور مختار بیگم کا سکہ چل رہا تھا۔
لیکن مہدی حسن اپنی محنت اور لگن سے ترقی کی منازل طے کرتے گئے اور آبروئے غزل بن گئے۔
غزل گائیکی میں ان کی شاندار خدمات کے عوض انہیں دنیا بھر میں متعدد انعامات سے نوازا گیا۔
حکومت پاکستان نے انہیں سب سے بڑے ایوارڈ ’ہلال امتیاز‘ سے نوازا۔
حکومت نیپال نے انہیں گورکھا دکشنا باہو کا ایوارڈ عطا کیا جب کہ ہندوستان میں انہیں’سہگل ایوارڈ‘ سے نوازاگیا۔

مہدی حسن کو موسیقی ورثہ میں ملی تھی۔
وہ خود کو کلونت گھرانے کی سولہویں نسل کہتے تھے۔
انہوں نے موسیقی کی ابتدائی تعلیم والدعظیم خان اورچچااسماعیل خان سے حاصل کی۔
ریڈیو پر ان کی پہلی مشہور غزل’’گلوں میں رنگ بھرے باد نو بہار چلے‘‘ تھی۔
فلمی گائیکی کی ابتدا فلم شکار سے کی۔
انہوں نے موسیقی کونئی سمت اور صنف غزل کو نئی بلندیوں پر پہنچایا۔
معروف شاعر احمد فراز کی غزل‘ اب کہ ہم بچھڑے تو شاید کبھی خوابوں میں ملیں‘/جس طرح سوکھے ہوئے پھول کتابوں میں ملیں‘ اور میر تقی میر کی غزل ’پتہ پتہ بوٹا بوٹا حال ہماراجانے ہے/جانے نہ جانے گل ہی نہ جانے‘ باغ تو سارا جانے ہے‘ کو مہدی حسن نے اپنی صدابندی کے ذریعہ بہت خوب صورت اور مترنم آواز میں لوگوں تک پہنچایا اور اس کے بعد تو لوگ ان کے دیوانے ہوگئے۔

مہدی حسن نے جس شاعر کی غزل گائی‘ وہ بہت مقبول ہوا۔
احمد فراز کو بھی ان کی گائی ہوئی غزلوں سے خوب شہرت ملی۔
ایک واقعہ ان کے تعلق سے بہت مشہور ہے۔
وہ یہ کہ احمدفراز دہلی سے بذریعہ ہوائی جہاز پاکستان جارہے تھے۔
ذاتی مصروفیت کی وجہ سے وہ ایئر پورٹ پر تاخیر سے پہنچے۔
سیکورٹی والے انہیں جانے کی اجازت نہیں دے رہے تھے۔
جب سیکورٹی والے نے ان کے پاسپورٹ کو بنظرغائر دیکھا تو اس نے پوچھا کیا آپ وہی ’’رنجش ہی سہی۔
۔
۔
‘‘ والے ہیں تو احمد فراز نے جواب دیا ’ہاں‘۔
پھر کیا تھا ساری رکاوٹیں دور ہوگئیں اور سیکورٹی والوں نے نہ صرف ان کو باعزت طریقے پر جانے دیا بلکہ ان کا سامان جو مقررہ وزن سے زیادہ تھا‘ فری میں جانے دیا۔
احمد فراز کی غزل بہت عمدہ ہے لیکن مہدی حسن نے اس کو اپنی آوازسے شہرت کی بلندیوں پر پہنچادیا اور ہر شخص اس کا دیوانہ ہوگیا۔

مہدی حسن اور لتامنگیشکر کا ڈواٹ گانا’تیرا ملنا‘تو لوگوں میں اس قدر مقبول ہوا کہ ہر خاص و عام کی زبان پر یہ گانا گنگنانے لگا۔
اس گانے کی خاص بات یہ تھی کہ دواٹ ہونے کے باوجود اسے مہدی حسن اور لتامنگیشکر نے الگ الگ وقتوں میں گایا۔
مہدی حسن نے 2009 میں اس گانے کو پاکستان میں ریکارڈ کرایاجب کہ ملکہ ترنم لتامنگیشکر نے 2010میں اسے ہندوستان میں ریکارڈ کرایا۔
بعد میں اسے ڈواٹ کی طرح بنایاگیا۔
اسے ’سرحدیں‘نامی البم میں جاری کیا گیا۔
کہا جاتاہے کہ یہ ان کا آخری نغمہ تھا۔

جاری۔
یو این آئی۔
این یو۔

Entertainment

پربھاس اسٹارر 'فوجی' تین دسمبر 2026 کو ہوگی ریلیز

تمنا بھاٹیا نے لندن میں شروع کی ہارر فلم راگنی 3 کی شوٹنگ

فلم 'صرف آپ کے' سے بالی ووڈ میں اپنی نئی اننگز کی شروعات کریں گے پون سنگھ

سلمان خان نے سب سے پہلے سمجھ لی تھی سوناکشی اور ظہیر کی لو اسٹوری

پربھاس اسٹارر 'فوجی' تین دسمبر 2026 کو ہوگی ریلیز

16 Jul 2026 | 2:41 PM

ممبئی، 16 جولائی (یو این آئی) جنوبی ہندوستانی فلموں کے سپر اسٹار پربھاس کی انتہائی منتظر فلم 'فوجی' تین دسمبر 2026 کو دنیا بھر کے سنیما گھروں میں ریلیز ہوگی۔ مائیتھری مووی میکرز کے بینر تلے بنی اور ٹی سیریز فلمز کی جانب سے پیش کی جانے والی اس فلم کو لے کر ناظرین میں طویل عرصے سے تجسس بنا ہوا ہے۔ ریلیز کی تاریخ کے اعلان کے ساتھ پربھاس نے سوشل میڈیا پر فلم کا نیا پوسٹر شیئر کیا ہے۔ پوسٹر میں وہ خون سے لت پت حالت میں ایک چٹان پر بیٹھے دکھائی دے رہے ہیں۔ ان کے چاروں طرف لاشیں بکھری ہوئی ہیں اور ہاتھ میں بندوق نظر آ رہی ہے۔ پوسٹر پر لکھا ہے، ”اے بٹالین ہو فائٹس الون“۔.