EntertainmentPosted at: Jul 11 2026 1:36PM

پران نے ولن کے کردار کو ایک نئی بلندی دی

(برسی 12 جولائی کے موقع پر)
ممبئی، 11 جولائی (یواین آئی)
پران سکند، جنہیں دنیا صرف پران کے نام سے جانتی ہے، بالی ووڈ کے تاریخ ساز اور سب سے مقبول ترین اداکاروں میں سے ایک تھے۔
انہوں نے ہندی سنیما میں ولن کے کردار کو ایک نئی بلندی دی اور بعد میں ایک بہترین کیریکٹر آرٹسٹ (کردار نگار) کے طور پر بھی اپنی چھاپ چھوڑی۔
ان کا فلمی کیریئر 1940 کی دہائی سے لے کر 1990 کی دہائی تک یعنی لگ بھگ چھ دہائیوں پر محیط رہا۔

بالی ووڈ میں پران ایک ایسے اداکار تھے جنہوں پچاس اور ستر کی دہائی کے دوران فلم انڈسٹری میں ولن کا (منفی) کردار ادا کرنے والے تنہا حکمراں کی حیثیت سے اپنی اداکاری کا لوہا منوایا۔

پران کا پورا نام پران کشن سکند تھا۔
زیادہ تر لوگ انہیں صرف پران کے نام سے جانے( ہیں۔
پران کی پیدائش 12فروری 1920کو پرانی دہلی کے ایک علاقے بلی ماران کے ایک خوشحال پنجابی گھرانے میں ہوئی تھی۔
ان کے والد کیول کرشن سکند ایک سول انجینئر تھے اور سرکاری ٹھیکے لیا کرتے تھے۔
ان کی ماں کا نام رامیشوری تھا۔
تعلیم کے شعبے میں پران نے بڑی صلاحیتوں کا مظاہرہ کیا، وہ بچپن سے ہی میتھس (ریاضی) میں ماہر تھے اور اس سبجیکٹ میں خاص مہارت رکھتے تھے۔
ان کے والد اکثر ملازمت کے سلسلے میں گھر سے باہر رہتے تھے۔
اس لیے پران کو متعدد جگہوں سے تعلیم حاصل کرنی پڑی جن میں دہرہ دون، کپورتھلہ، میرٹھ اور اناؤ (یوپی) شامل ہیں۔
رام پور کے حامد اسکول سے تعلیم مکمل کرنے کے بعد وہ دہلی میں بطور پروفیشنل فوٹوگرافر کام کرنے لگے تھے۔
بعد میں انہوں نے شملہ کا سفر کیا اور وہاں رام لیلا کے میلے میں سیتا کا کردار بھی نبھایا تھا۔

اسی دوران ایک دن پان کی دکان پر پران کی ملاقات لاہور کے مشہور اسکرپٹ رائٹرولی محمد سے ہوئی۔
ولی محمد نے پران کی صورت دیکھ کر انہیں فلموں میں کام کرنے کا مشورہ دیا ۔
پران نے اس وقت ولی محمد کے مشورے پر توجہ نہیں دی لیکن ان کے بار بار کہنے پر وہ تیار ہو گئے۔

سال 1940 کی فلم ’يملا جٹ‘ سے پران نے اپنے فلمی کریئر کا آغاز کیا جبکہ وہ خاندان (1942)نامی فلم میں سب سے پہلے اہم کردار میں نظر آئے، پران نے 1942سے1946کے دوران لاہور میں لگ بھگ 22 فلموں میں کام کیا تھا جن میں سے 18فلمیں 1947تک ریلیز ہوگئیں۔
پران 1940-47کے درمیان ایک فلمی ہیرو کے طور پر جلوہ گر ہوئے تھے۔
اس دوران ہندوستان ۔
پاکستان کی تقسیم ہوگئی جس کے باعث پران کے کیریر کو وقتی طور پر بریک لگا، پھر وہ لاہور سے بمبئی چلے گئے جہاں انہوں نے حصول معاش کے لیے بھی کافی جدوجہد کی اور اپنے قدم جمانے کے لیے بھی بہت سے کام کیے، انہوں نے ایک ہوٹل میں بھی کام کیا۔
پھر 1948میں انہیں سعادت حسن منٹو اور اداکار شیام کی مدد سے ’’ضدی‘‘ فلم میں کام کرنے کا موقع مل گیا، جس میں دیوآنند اور کامنی کوشل نے اہم کردار ادا کیے تھے۔
اس فلم کے ذریعے بمبئی میں پران کے کیریئر کا باقاعدہ آغاز ہوا۔
پہلے ان کی فلم ضدی اور پھر بڑی بہن نے بھی کامیابی حاصل کی۔
ویلن کے کردار میں کافی پسند کئے جانے کے سبب پران نے فلموں میں اپنا مخصوص مقام بنانے کے لئے ولن کے کردار کو ہی ترجیح دی اور اس طرح انہوں نے دنیاپر اپنا سکہ ایسا جمایا کہ ساری دنیا میں دھوم مچادی۔
یہیں سے انہوں نے اپنے نئے دور کا آغاز کیا جس میں وہ ایک بہت بڑے ولن بن کر منظرعام پر آئے۔
پران نے ولن کے طور پر ایک خاص اسٹائل اختیار کیا تھا۔
وہ چبا-چبا کر الفاظ اداکرنے کے ساتھ سگریٹ نوشی کرتے ہوئے منہ سے دھوئیں کے مرغولے نکالتے تھے۔
ان کا یہ انداز کافی مقبول ہوا۔
بعد میں انہوں نے دلیپ کمار، دیوآنند اور راج کپور کے ساتھ بھی بطور ولین اپنی اداکارانہ صلاحیتوں کے جوہر دکھائے اور ہر فلم میں اسی طرح سگریٹ کے مرغولے چھوڑتے ہوئے دکھائی دیے۔
دلیپ کمار کی فلموں، آزاد، دیوداس، مدھومتی، دل دیا درد لیا، رام اور شیام اور آدمی میں پران کی منفی اداکاری بہت زیادہ پسند کی گئی۔
ان کی شکل دیکھ کر فلم بین اور خاص طور سے خواتین ان سے بہت خوف کھاتی تھیں۔
لوگ فلم میں انہیں دیکھتے ہی برا بھلا کہنے لگتے تھے ،اتنا ہی نہیں اس دور میں ماؤں نے اپنے بچوں کا نام پران رکھنا ہی چھوڑ دیا تھا۔

جاری یواین آئی۔
ایم جے

Entertainment

منیشا کوئرالا نے اپنی قدرتی خوبصورتی کے ساتھ ساتھ سنجیدہ اور جذباتی اداکاری سے الگ مقام بنایا

ڈیوڈ دھون: مزاحیہ، خاندانی اور تفریحی فلموں کے لیے مشہور

رنویر سنگھ کی نئی فلم ’پرلے‘ کی شوٹنگ شروع، دنیا کے خاتمے کی کہانی!

منیشا کوئرالا نے اپنی قدرتی خوبصورتی کے ساتھ ساتھ سنجیدہ اور جذباتی اداکاری سے الگ مقام بنایا

16 Aug 2026 | 3:37 PM

ممبئی، 16 اگست (یو این آئی) منیشا کوئرالا ہندی سنیما کی ان اداکاراؤں میں شمار ہوتی ہیں جنہوں نے 1990 کی دہائی میں اپنی خوبصورتی کے ساتھ ساتھ قدرتی، سنجیدہ اور جذباتی اداکاری سے الگ مقام بنایا۔ وہ ہندی کے علاوہ تمل، ملیالم اور نیپالی فلموں میں بھی کام کر چکی ہیں۔ 16 اگست 1970 کو نیپال میں پیدا ہونے والی منیشا 2026 میں 56 برس کی ہو گئی ہیں۔.