EntertainmentPosted at: Aug 17 2026 8:46AM

ارونا ایرانی : معاون اور منفی کرداروں کے ساتھ رقص پر مبنی کرداروں کے لیے مشہور

یوم پیدائش 18 اگست پر خاص
نئی دہلی/ممبئی، 17 اگست (یو این آئی)
ارونا ایرانی ہندی فلموں کی معروف اداکارہ ہیں، جنہوں نے 1960ء کی دہائی سے فلمی دنیا میں کام شروع کیا اور کئی دہائیوں تک اپنی اداکاری سے ناظرین کو متاثر کیا۔
وہ خاص طور پر معاون اور منفی کرداروں کے ساتھ ساتھ رقص پر مبنی کرداروں کے لیے بھی جانی جاتی ہیں۔

ارونا ایرانی ایک ہندستانی اداکارہ ہیں جن کا تعلق ایرانی زرتشتی اور ہندو پس منظر سے ہے۔
اپنے دور کی ایک ماہر اداکارہ اور رقاصہ کے طور پر، انہوں نے تقریباً 300 فلموں میں کام کیا ہے اور کئی یادگار کردار ادا کیے۔
وہ فلم ساز اندرا کمار کی بہن ہیں اور ان کی شادی فلم ڈائریکٹر کوکو کوہلی سے ہوئی ہے۔

سال1952 میں پیدا ہونے والی ارونا ایرانی نے اپنے فلمی سفر کا آغاز محض نو سال کی عمر میں فلم 'گنگا جمنا' (1961) سے کیا، جس میں انہوں نے وجینتی مالا کے بچپن کا رول ادا کیا۔
اس کے بعد انہوں نے 'جہاں آرا' (1964)، 'فرض' (1967)، 'اپکار' (1967) اور 'آیا ساون جھوم کے' (1969) جیسی فلموں میں چھوٹے کردار ادا کیے۔
انہوں نے کامیڈین محمود کے ساتھ 'اولاد' (1968)، 'ہم جولی' (1970) اور 'نیا زمانہ' (1971) جیسی فلموں میں کام کیا، لیکن انہیں اصل شہرت 1971 کی سپر ہٹ فلم 'کارواں' میں ایک بنجارن کے جاندار کردار سے ملی۔

اس دور میں وہ جذباتی طور پر محمود کے ساتھ وابستہ ہو گئیں، جس کی وجہ سے وہ اپنے کیریئر پر مکمل توجہ نہ دے سکیں۔
ان کے اس تعلق نے بطور ہیروئین ان کے مواقع کو بھی متاثر کیا۔
تاہم، محمود نے انہیں اپنی فلموں 'بمبئی ٹو گوا' (1972)، 'گرم مصالحہ' (1972) اور 'دو پھول' (1973) میں امیتابھ بچن اور ونود مہرہ جیسے اداکاروں کے مقابل مرکزی رول دیے۔

بطور ہیروئین کامیابی ان سے دور رہی اور دلچسپ بات یہ ہے کہ جن فلموں میں انہوں نے معاون کردار ادا کیے، ان کے ساتھی اداکار اسٹار بن گئے۔
ان میں 'فرض' میں جتیندر، 'بوبی' (1973) میں رشی کپور اور ڈمپل کپاڈیہ، 'سرگم' (1979) میں جیا پردا اور 'راکی' (1981) میں سنجے دت شامل ہیں۔
فلم 'کارواں' کی زبردست کارکردگی کی وجہ سے وہ 'ویمپ' اور معاون کرداروں کے لیے ٹائپ کاسٹ ہو گئیں۔

تاہم، ارونا ایرانی نے ہر رول کو سنجیدگی سے نبھایا اور اپنی ایک الگ پہچان بنائی۔
فلم 'بوبی' (1973) میں ان کا کردار اتنا جاندار تھا کہ اس دور کی کوئی دوسری اداکارہ اس کے ساتھ انصاف نہیں کر سکتی تھی۔

سال1970 اور 1980 کی دہائی کے اوائل میں وہ 'روٹی کپڑا اور مکان'، 'کھیل کھیل میں'، 'لیلیٰ مجنوں'، 'قربانی' اور 'قدرت' جیسی کئی بڑی فلموں میں نظر آئیں۔
انہیں 1984 کی فلم 'پیٹ پیار اور پاپ' کے لیے فلم فیئر کا بہترین معاون اداکارہ کا ایوارڈ ملا۔
1990 کی دہائی میں انہوں نے ماں کے کردار نبھانا شروع کیے، خاص طور پر فلم 'بیٹا' (1992) کے لیے انہیں دوسرا فلم فیئر ایوارڈ دیا گیا۔
انہوں نے گجراتی فلموں میں بھی بہت شہرت حاصل کی اور وہاں کئی فلموں میں مرکزی کردار ادا کر کے ایک نیا رجحان قائم کیا۔

ارونا ایرانی ہندی فلموں کی ایک مایہ ناز کیریکٹر آرٹسٹ ہیں۔
انہوں نے ہندی، کنڑ، مراٹھی اور گجراتی سنیما میں زیادہ تر معاون یا کریکٹر رول نبھاتے ہوئے 300 سے زائد فلموں میں اپنی اداکاری کے جوہر دکھائے ہیں۔
ان کی شاندار کارکردگی پر انہیں فلم فیئر ایوارڈز میں بہترین معاون اداکارہ کے زمرے میں متعدد بار نامزد کیا گیا۔

وہ اس زمرے میں سب سے زیادہ نامزدگیاں (10) حاصل کرنے کا ریکارڈ رکھتی ہیں۔
انہیں فلم 'پیٹ پیار اور پاپ' (1985) اور 'بیٹا' (1993) میں بہترین اداکاری کے لیے دو بار اس ایوارڈ سے نوازا گیا ہے۔
جنوری 2012 میں، ان کی تاحیات فنی خدمات کے اعتراف میں 57 ویں فلم فیئر ایوارڈز کے موقع پر انہیں 'فلم فیئر لائف ٹائم اچیومنٹ ایوارڈ' سے بھی سرفراز کیا گیا۔

جاری یواین آئی ایم جے

Entertainment

کرتی کھربندا کی پراسرار انسٹاگرام اسٹوری سے تجسس بڑھا

بالی ووڈ اسٹارز نے استاد کے کردار کو پردہ سیمیں پر بخوبی نبھایا

کرتی کھربندا کی پراسرار انسٹاگرام اسٹوری سے تجسس بڑھا

05 Sep 2026 | 12:25 PM

ممبئی، 05 ستمبر (یو این آئی) بالی ووڈ اداکارہ کرتی کھربندا کی حالیہ انسٹاگرام اسٹوریز نے ان کے مداحوں میں تجسس بڑھا دیا ہے۔ کرتی کھربندا نے مسلسل کچھ ایسی تصاویر شیئر کی ہیں، جن سے قیاس آرائیاں کی جا رہی ہیں کہ وہ جلد ہی کوئی خاص اعلان کر سکتی ہیں۔.