الجزائر، 7 دسمبر (یو این آئی۔ زنہوا )
الجزائر کی مغربی صوبے بنی عباس میں ہفتہ کے روز ایک مسافر بس الٹنے سے کم از کم 12 افراد ہلاک اور 23 زخمی ہو گئے، سویل پروٹیکشن سروس نے یہ اطلاع دی۔
حادثہ دوپہر 1 بج کر 50 منٹ پر نیشنل روڈ 50 پر واقع تبلبالا نامی بلدیہ کے قریب پیش آیا، جو ملک کے دارالحکومت الجزائر سے تقریباً 12 سو کلومیٹر جنوب مغرب میں واقع ہے۔
امدادی عملے نے موقع پر ہی زخمیوں کو ابتدائی طبی امداد دی، جبکہ کئی شدید زخمی افراد کو قریبی اسپتال منتقل کیا گیا۔ حکام نے حادثے کی وجوہات جاننے کے لیے تحقیقات شروع کر دی ہیں۔
شمالی افریقی ملک الجزائر میں ٹریفک حادثات عام ہیں۔ اس سے قبل بھی 15 اگست کو دارالحکومت کے مشرق میں واقع الحرّاش علاقے میں ایک مسافر بس پل سے نیچے جا گری تھی، جس میں 18 افراد ہلاک ہوئے تھے۔
یو این آئی۔زنہوا۔ ایم جے