NationalPosted at: Feb 8 2025 3:34PM مودی نے ویوز ایڈوائزری بورڈ کی میٹنگ کی صدارت کی
نئی دہلی، 8 فروری (یو این آئی) وزیر اعظم نریندر مودی نے جمعہ کی رات ہندوستان کو تفریح اور سنسکرت پروگراموں کی تخلیق کے ایک پرکشش مرکز کے طور پر فروغ دینے کی حکومت کی کوششوں کے ایک حصے کے طور پر "ویوز " کے مشاورتی بورڈ کی ایک جامع میٹنگ کی صدارت کی۔
ویوز مختلف شعبوں کے معزز افراد کا ایک عالمی چوٹی کا پلیٹ فارم ہے جو تفریح، تخلیقی صلاحیت اور ثقافت کی دنیا کی شخصیات کو ایک ساتھ لاتا ہے۔
وزیر اعظم نے اجلاس کے بعد سوشل میڈیا پلیٹ فارم ایکس پر لکھا، "ابھی ابھی تفریح، تخلیقی صلاحیت اور ثقافت کی دنیا کو یکجا کرنے والے عالمی چوٹی کے اجلاس - ویوز کے مشاورتی بورڈ کی ایک بڑی میٹنگ مکمل ہوئی۔ اس مشاورتی بورڈ کے اراکین، زندگی کے مختلف شعبوں کے معزز افراد ہیں، جنہوں نے نہ صرف ہمارے ساتھ اپنی حمایت کا اعادہ کیا، بلکہ ہندوستان کو عالمی تفریحی مرکز بنانے کی کوششوں کو مزید کیسے بڑھایا جائے، اس موضوع پر اہم معلومات بھی فراہم کی۔"
آڈیو ویژول میڈیم کے ذریعے منعقد ہونے والی اس میٹنگ میں امیتابھ بچن، دلجیت دوسانج، رنبیر کپور، شاہ رخ خان، رجنی کانت، انل کپور، انوپم کھیر، اکشے کمار، اور اے آر رحمان جیسی مشہور شخصیات نے شرکت کی۔
یواین آئی۔ م س