NationalPosted at: Apr 20 2025 11:05PM مودی پیر کو سرکاری ملازمین سے کریں گے خطاب
نئی دہلی، 20 اپریل (یو این آئی) وزیر اعظم نریندر مودی پیر کو راجدھانی میں 17ویں پبلک سروس ڈے کی تقریب میں ملک کے سرکاری ملازمین سے خطاب کریں گے اور اضلاع اور مرکزی/ریاستی حکومتوں میں شناخت شدہ ترجیحی پروگراموں اور اختراعات کے مؤثر نفاذ کے لیے عوامی نظم و نسق میں بہترین کارکردگی کے لیے وزیر اعظم ایوارڈ پیش کریں گے۔
اتوار کو وزیر اعظم کے دفتر کی طرف سے جاری کردہ ایک ریلیز کے مطابق، مسٹر مودی اس موقع پر جامع ترقی اور اختراع پر ای کتابوں کا اجرا کریں گے۔ ان کتابوں میں حکومت کے ترجیحی پروگراموں کے نفاذ اور پبلک ایڈمنسٹریشن میں اختراع سے جڑی کامیابی کی جنندہ کہانیاں شامل ہیں۔
یہ ساتواں موقع ہوگا جب وزیر اعظم مودی نیشنل پبلک سروس ڈے کی تقریبات سے خطاب کریں گے۔ ایوارڈ کی تقسیم سے قبل ایوارڈ یافتہ انتظامی پہلوں پر ایک فلم بھی دکھائی جائے گی۔
یو این آئی۔ این یو۔