پٹنہ، 14 نومبر (یو این آئی) بہار میں 243 اسمبلی سیٹوں کے لئے دو مرحلوں میں ہونے والے انتخابات کے لئے ووٹوں کی گنتی آج صبح 8 بجے سخت حفاظتی انتظامات کے درمیان شروع ہوگئی۔
ریاستی الیکشن افسر کے دفتر سے موصولہ اطلاع کے مطابق ریاست کے تمام 38 اضلاع میں قائم 46 گنتی مراکز پر آج صبح 8 بجے گنتی کا عمل شروع ہوا۔ گنتی مراکز پر سکیورٹی کے وسیع انتظامات کئے گئے ہیں۔ 243 کاؤنٹنگ مبصرین اور امیدواروں یا ان کے ایجنٹوں کی موجودگی میں 243 ریٹرننگ آفیسرز (آر اوز) کی جانب سے گنتی کی جا رہی ہے۔ ہرٹیبل پر ایک کاؤنٹنگ مبصر، کاؤنٹنگ اسسٹنٹ اور مائیکرو آبزرور کے ساتھ 4,372 کاؤنٹنگ ٹیبلز قائم کیے گئے ہیں۔ امیدواروں کی طرف سے مقرر کردہ 18,000 سے زیادہ کاؤنٹنگ ایجنٹ بھی گنتی کے عمل کی نگرانی کریں گے۔ پہلے بیلٹ پیپر ووٹوں کی گنتی کی جا رہی ہے۔ اس کے بعد الیکٹرانک ووٹنگ مشینوں (ای وی ایم) کے ووٹوں کی گنتی صبح 8:30 بجے شروع ہوگی۔
سہرسہ ضلع میں تین پولنگ مراکز قائم کیے گئے ہیں، جبکہ مشرقی چمپارن، پورنیہ، سیوان، ویشالی، بھاگلپور اور گیا اضلاع میں دو دو گنتی مراکز قائم کیے گئے ہیں۔
ریاست کے دیگر 31 اضلاع مغربی چمپارن، شیوہر، سیتامڑھی، مدھوبنی، سپول، ارریہ، کشن گنج، کٹیہار، مدھے پورہ، دربھنگہ، مظفر پور، گوپال گنج، سارن، سمستی پور، بیگوسرائے، کھگڑیا، بانکا، مونگیر، لکھی سرائے، شیخ پورہ، نالندہ، پٹنہ، بھوجپور، بکسر، کیمور، روہتاس، ارول، جہان آباد، اورنگ آباد، نوادہ اور جموئی اضلاع میں ایک ایک پولنگ اسٹیشن قائم کیا گیا ہے۔
جاری یواین آئی۔الف الف