کوٹا، 20 اپریل (یواین آئی) مرکزی وزیر داخلہ امت شاہ نے کانگریس پر ریزرویشن کے سلسلے میں جھوٹ پھیلانے کا الزام لگایا اور کہا ہے کہ اگر وہ ریزرویشن کو ہٹانا چاہتی ہے تو بھارتیہ جنتا پارٹی (بی جے پی) اسے کسی بھی صورت میں ہٹانے نہیں دے گی۔
مسٹر شاہ ہفتہ کو یہاں کوٹا۔بوندی لوک سبھا حلقہ سے بھارتیہ جنتا پارٹی (بی جے پی) کے امیدوار اور لوک سبھا اسپیکر اوم برلا کی حمایت میں منعقد جلسہ سے خطاب کر رہے تھے۔
انہوں نے کہا کہ کانگریس نے جھوٹ پھیلانے کا کام کیا ہے۔ یہاں تک کہ اگر کانگریس ریزرویشن ہٹانا چاہتی ہے، جب تک بی جے پی کے کارکن ہیں، انہیں درج فہرست ذات اور درج فہرست قبائل کے ریزرویشن کو ہٹانے کی اجازت نہیں دی جائے گی۔ انہوں نے کہا کہ اس بار جب ہم 400 کو پار کرنے کی بات کرتے ہیں تو کانگریس کو پیٹ میں درد ہوتا ہے اور وہ کہتی ہے کہ 400 کو پار کرنے سے ریزرویشن ختم ہو جائے گا۔ انہوں نے کہا کہ ہم نے ریزرویشن ہٹانے کے لیے کبھی اکثریت کا استعمال نہیں کیا۔
انہوں نے کہا کہ جب کانگریس کو اکثریت ملی تو اس نے ملک میں ایمرجنسی نافذ کردی۔ جب ہمیں اکثریت ملی تو کشمیر سے آرٹیکل 370 ختم کر دیا گیا، رام مندر بنایا گیا، مہاجرین کو شہریت دینے کے لیے سی اے اے لایا، خواتین کو 33 فیصد ریزرویشن دینے، غربت دور کرنے اور ملک کو محفوظ بنانے کے لیے کام کیا گیا۔
ملک کو محفوظ بنانے اور اس کی معیشت کو دنیا میں پانچویں نمبر پر لانے کے لیے کام کیا گیا ہے۔
انہوں نے کہا کہ دیگر پسماندہ طبقات (او بی سی) کی سب سے بڑی اپوزیشن پارٹی، اگر کوئی ہے تو، وہ کانگریس پارٹی ہے، جبکہ مودی حکومت نے مرکز میں او بی سی کو 27 فیصد ریزرویشن دیا ہے۔ انہوں نے کہا کہ وزیر اعظم نریندر مودی خود او بی سی سے آتے ہیں اور اتنے بڑے لیڈر بن گئے ہیں۔
یواین آئی۔ ظ ا