منولو مارکیز ہندوستانی فٹ بال ٹیم کے نئے ہیڈ کوچ

کولکاتہ، 20 جولائی (یو این آئی) آل انڈیا فٹ بال فیڈریشن (اے آئی ایف ایف) نے ہفتہ کو منولو مارکیز کو ہندوستانی مردوں کی فٹ بال ٹیم کا نیا ہیڈ کوچ مقرر کیا۔

55 سالہ مارکیز اس وقت انڈین سپر لیگ (آئی ایس ایل) ٹیم ایف سی گوا کے ہیڈ کوچ کے طور پر خدمات انجام دے رہے ہیں جہاں وہ 2024-25 کے سیزن کے اختتام تک رہیں گے۔

مارکیز آئی ایس ایل 2024-25 کے بعد کل وقتی بنیادوں پر قومی ٹیم کے ہیڈ کوچ کا عہدہ سنبھالیں گے۔