نئی دہلی،23 جنوری (یو این آئی ٰ) ہندوستانی ٹینس کی تاریخ کے روشن ستارے لینڈر پیس نے ملک میں کھیلوں کے مستقبل کے حوالے سے ایک نئے اور سائنسی روڈ میپ کی وکالت کی ہے، ان کا ماننا ہے کہ ہندوستان کے اصل ہیرے میٹرو شہروں کے مہنگے کلبوں میں نہیں، بلکہ دیہی علاقوں اور چھوٹے قصبات میں چھپے ہوئے ہیں، لینڈر پیس نے زور دے کر کہا ہے کہ اب وقت آ گیا ہے کہ ہم 'ٹیلنٹ اسکاؤٹنگ کے روایتی طریقوں کو چھوڑ کر جدید سائنسی طریقوں کو اپنائیں۔
پیس نے کہا، "میں واقعی یقین رکھتا ہوں کہ ہمارے اولمپک چیمپئنز دیہی ہندوستان سے آئیں گے، یہ ٹائر 2 اور ٹائر 3 شہروں سے ہوں گے، کیونکہ وہیں عوام ہیں اور وہیں ٹیلنٹ ہے۔
بدقسمتی سے، ان کے پاس اپنی صلاحیت دکھانے کے مواقع نہیں ہیں۔