پریاگ راج:20اپریل(یواین آئی)اترپردیش کے سابق وزیر اعلی اکھلیش یادو نے حکمراں جماعت بی جے پی پر گمرہی پھیلانے اور سچ کو چھپانے کا الزام لگایا ہے۔
سماج وادی پارٹی(ایس پی)سربراہ اکھلیش یادو نے اتوار کو ایک پرائیویٹ پروگرام میں شرکت کرنے سے پہلے سول لائنس میں میڈیا نمائندوں سے بات چیت میں یہ الزام لگایا۔ انہوں نے کہا کہ سچ چھپانے اور جھوٹ کو پھیلانے میں بی جےپی کو مہارت حاصل ہے۔ اس کا جیتا جاگتا ثبوت مہاکمبھ ہے۔ مہاکمبھ پہنچنے کے لئے عقیدت مندوں سے سچ چھپا کر بہتر انتظام کو جھوٹا پرچار کیا گیا۔ انہوں نے کہا کہ پہلے کسی حکومت میں کوئی وزیر پروپیگنڈہ کیا کرتا تھا لیکن یہاں تو بی جےپی حکومت ہی پروپیگنڈہ پر چل رہی ہے۔
انہوں نے کہا کہ یہ عقیدت مندوں کا مہاکمبھ نہیں تھا یہ پوری طرح سیاسی کمبھ تھا۔ انہوں نے کہا کہ وزیر اعلی نے دعوی کیا تھا کہ مہاکمبھ میں 100 کروڑ لوگوں کاانتظام کیا گیا ہے۔ جو پوری طرح سے فلاپ ثابت ہوئی ہے۔ مہاکمبھ میں انتظام کم اور پرچار زیادہ تھا۔ دنیا کے سب سے بڑے روحانی و ثقافتی میلہ مہاکمبھ میں مونی اماوسیہ اشنان پر ہوئے دردناک حادثے کو روکا جاسکتا تھا لیکن اس حکومت میں تکبر انتا زیادہ ہے کہ رائے مشورہ اور شبہات کو بھی تنقید سمجھا گیا۔
اکھلیش نے کہا کہ ایس پی حکومت نے 2013 میں کمبھ کا انعقاد کرایا تھا۔ بی جےپی کو اسی تجربہ کی بنیاد پر تدبیر دے رہے تھے لیکن اسے سنجیدگی اور مثبت ڈھنگ سے لیا گیا ہوتو تو مہاکمبھ کے سب سے بڑے راج سی اشنان’ مونی اماوسیہ‘ پر ہوئے دردناک واقعہ سے بچا جاسکتا تھا۔
ایک سوال کے جواب میں انہوں نے کہا کہ ہر ایونٹ کو وزیر اعلی بی جےپی کا ایونٹ بنانا چاہتے ہیں۔ یہ پورا مس منجمنٹ کیا گیا ہے۔ مہاکمبھ پر اتنا بڑا دھبہ لگا ہے۔ اس کی سچائی ہم سے بہتر آپ لوگ مقامی ہیں بہتر جانتے ہیں۔ہمارے پاس بہت سی باتیں نہیں پہنچ پاتی ہیں۔
ایس پی سربراہ نے کہا کہ سنگم نوز پر ہوئے دردناک حادثے میں حکومت اعداد کیوں چھپارہی ہے۔ اعداد اس لئے چھپائے جارہے ہیں کہ معاوضہ نہ دینا پڑے۔ سنگم نوز پر اس رات جھارکھنڈ کے شیوراج گپتا کی موت ہوگئی۔ ان کا بھتیجہ جہاں موجود ہے۔ انہوں نے کہا کہ ان کے بھتیجے نے بتایا کہ ان کے چچا کی باڈی کا نمبر چھ تھا۔ان کے پاس سبھی پیپر موجود ہے پھر کیوں معاوضہ نہیں دے رہے ہیں۔
انہوں نے بتایا کہ حکومت نے جو معاوضہ دینے کی بات کہی تھی۔ اس کے مقام پر دباؤ کیوں بنایا جارہا ہے۔ کئی کنبے ایسے ہیں جن کے رکن ابھی بھی اپنے گھر نہیں پہنچے ہیں۔ سچائی یہی ہے کہ حکومت ہر اعداد چھپانا چاہتی ہے۔نائب وزیر اعلی کیشو موریہ کو لے کر پوچھے گئے ایک سوال کے جواب میں انہوں نے کہا کہ انہیں اب دوسرے کرہ پر چلے جانا چاہئے کیونکہ اس کرہ پر ان کے لئے کوئی جگہ نہیں ہے۔
یواین آئی۔ولی