بھوپال، 15 مئی (یواین آئی) مدھیہ پردیش کے وزیر اعلی ڈاکٹر موہن یادو نے آج کانگریس کے سابق صدر راہل گاندھی پر شدید حملہ کرتے ہوئے کہا کہ کانگریس کو اتر پردیش میں الیکشن لڑنے کے لیے 80 امیدوار نہیں ملے، لیکن مسٹر گاندھی وزیر اعظم بننے کا خواب دیکھ رہے ہیں۔
ڈاکٹر یادو نے مغربی اور شمال مغربی دہلی لوک سبھا سیٹوں سے بی جے پی امیدوار کی حمایت میں منعقدہ جلسوں سے خطاب کیا۔ انہوں نے کہا کہ کانگریس کو اتر پردیش سے الیکشن لڑنے کے لیے 80 امیدوار نہیں مل سکے اور مسٹر گاندھی وزیر اعظم بننے کا خواب دیکھ رہے ہیں۔ اگر مسٹر راہل گاندھی میں ہمت ہے تو وہ دہلی سے الیکشن لڑیں۔ پورے ملک میں وزیر اعظم مودی کی لہر ہے اور متکبر انڈیا اتحاد کے تمام مغرور لوگوں کا غرور خاک میں مل رہا ہے۔ ملک کی جمہوریت اس وقت سب سے مضبوط اور محفوظ ہاتھوں میں ہے۔
وزیر اعلیٰ نے کہا کہ اس وقت پورے ملک میں وزیر اعظم مودی اور بھگوان شری رام کی ستائش ہو رہی ہے۔ پورے ملک کا ماحول مختلف سمت میں جا رہا ہے۔ استکباری اتحاد کے تمام متکبروں کا غرور بھی زمین بوس ہو رہا ہے۔ اس بار 400 کو عبور کرنے کے عزم کو ہر حال میں پورا کیا جائے گا۔ اسے کوئی نہیں روک سکتا۔ ایک طرف مسٹر گاندھی وزیر اعظم بننے کا خواب دیکھ رہے ہیں، لیکن انہیں اتر پردیش میں الیکشن لڑنے کے لیے 80 امیدوار نہیں مل سکے۔
یواین آئی۔ ظ ا