نئی دہلی، 7 فروری (یو این آئی) راشٹریہ جنتا دل کے منوج کمار جھا نے جمعہ کو راجیہ سبھا میں ملک میں بڑھتی ہوئی آمدنی میں عدم مساوات پر تشویش کا اظہار کیا اور اس معاملے پر حکومت سے فوری مداخلت کا مطالبہ کیا مسٹر جھا نے ایوان میں زیرو آور کے دوران "چیئرمین کی اجازت سے اٹھائے گئے معاملات" کے تحت کہا کہ متوسط ​​اور نچلے طبقے کی آمدنی مسلسل کم ہو رہی ہے۔ کورونا کے دور کے بعد اس میں اضافہ ہوا ہے۔ انہوں نے کہا کہ آمدنی میں عدم مساوات سماجی استحکام کو بھی متاثر کر رہی ہے۔ ملک میں صحت، تعلیم اور دیگر بنیادی خدمات بھی متاثر ہو رہی ہیں۔ انہوں نے کہا کہ سرمائے کا سینٹرلائزیشن سیاست کو بھی متاثر کررہا ہے۔ انہوں نے کہا کہ اس صورتحال سے نمٹنے کے لیے حکومت کو آئین کے التزامات کے مطابق آمدنی کی منصفانہ تقسیم کے لیے کام کرنا چاہیے۔
عام آدمی پارٹی کے سنجیو اروڑہ نے ملک میں سائیکل مینوفیکچررز کو درپیش ٹیکس کے مسائل کا مسئلہ اٹھایا اور کہا کہ سائیکل اور اس کے پرزوں پر 18 فیصد جی ایس ٹی لگایا جاتا ہے جبکہ الیکٹرک سائیکلوں پر ٹیکس پانچ فیصد ہے۔ انہوں نے کہا کہ سائیکلیں معذور افراد بھی استعمال کرتے ہیں اور یہ عام لوگوں کی آمدورفت کا ذریعہ ہے۔ حکومت کو چاہئے کہ وہ سائیکلوں اور اس کے پرزوں کوجی ایس ٹی سے مستثنیٰ کرے۔
نیشنلسٹ کانگریس پارٹی (شرد چندر) کی ڈاکٹر فوزیہ خان نے مہاراشٹر میں صحت عامہ کی بگڑتی ہوئی صورتحال کا مسئلہ اٹھایا اور مرکزی حکومت سے مداخلت کا مطالبہ کیا۔
جنتا دل یونائیٹڈ کے سنجے کمار جھا نے دربھنگہ ایئرپورٹ کا نام کوی کوکل ودیا پتی ایئرپورٹ رکھنے کا مطالبہ کیا۔ انہوں نے کہا کہ بہار کے وزیر اعلیٰ نتیش کمار نے اس سلسلے میں مرکزی حکومت کو خط لکھا ہے۔ انہوں نے دربھنگہ ایرپورٹ کی توسیع کا بھی مطالبہ کیا۔ انہوں نے کہا کہ دہلی دربھنگہ سیکٹر کے درمیان مسافروں کی تعداد میں مسلسل اضافہ ہو رہا ہے۔
بھارتیہ جنتا پارٹی کی ڈاکٹر میدھا وشرام کلکرنی نے ممبئی پونے ہائی وے پر بڑھتے ہوئے حادثات کا مسئلہ اٹھایا اور مناسب ٹریفک نظام کا مطالبہ کیا۔
جاری یواین آئی۔الف الف