EntertainmentPosted at: Sep 9 2024 3:11PM 57 سال کے ہوئے اکشے کمارممبئی ، 9 ستمبر (یواین آئی) بالی ووڈ کے مشہور اداکار اکشے کمار آج 57 سال کے ہوگئے۔اکشے کمار (اصل نام راجیو بھاٹیا) 9 ستمبر 1967 کو امرتسر ، پنجاب میں ایک متوسط طبقے کے پنجابی خاندان میں پیدا ہوئے تھے۔ ان کا بچپن دہلی میں گزرا۔ اپنی تعلیم مکمل کرنے کے بعد ، اکشے بینکاک چلے گئے اور وہاں باورچی کا کام کرنے لگے۔ اس دوران وہ وہاں مارشل آرٹس سیکھا کرتے تھے۔ بنکاک سے واپس آنے کے بعد اکشے کمار ممبئی آگئے اور مارشل آرٹ ٹرینر کی حیثیت سے کام کرنا شروع کیا۔ اس دوران اکشے کی ملاقات فلمساز پرومود چکرورتی سے ہوئی۔ پرومود چکرورتی نے انہیں اپنی فلم دیدار میں کام کرنے کی پیش کش کی۔ اس سے قبل حالانکہ ان کی فلم سوگندھ ریلیز ہوگئی۔دریں اثنا ، ڈائریکٹر عباس مستان کی نظر اکشے کمار پر پڑی۔ انہوں نے ان سے اپنی فلم کھلاڑی میں کام کرنے کی تجویز پیش کی۔ سال 1992 میں ریلیز ہونے والی مسٹری اورتھرلر سے بھرپور یہ فلم ٹکٹ کھڑکی پرسپر ہیٹ ثابت ہوئی اور وہ کافی حد تک اس صنعت میں شناخت بنانے میں کامیاب ہوگئے۔ کھلاڑی کے بعد اکشے کمار فلم انڈسٹری میں کھلاری کمار کے نام سے مشہور ہوگئے۔ اس کے بعد فلمسازوں نے انہیں کھلاڑی ٹائٹل والی کئی فلمیں بنائیں۔ ان میں، میں کھلاڑی ٹو اناڑی، سب سے بڑا کھلاڑی، کھلاڑیوں کا کھلاڑی، مسٹر اور مسز کھلاڑی، انٹر نیشنل کھلاڑی، کھلاڑی 420 وغیرہ ہیں۔سال 1994 اکشے کمار کے سینما کیریئر کے لئے ایک اہم سال ثابت ہوا۔ اسی سال ان کی یہ دل لگی، موہرا، سہاگ، اعلان، اورمیں کھلاڑی تو اناڑی جیسی سپر ہٹ فلمیں ریلیز ہوئیں۔ فلم یہ دل لگی میں انہیں پہلی بار پروڈیوسر ہدایتکار یش چوپڑا کے ساتھ کام کرنے کا موقع ملا۔ اس فلم میں اپنی دمدار اداکاری کے لئے وہ پہلی بار بیسٹ اداکار کے فلم فیئر ایوارڈ کے لئے نامزد بھی گئے گئے۔ 1994 میں ریلیز ہونے والی فلم موہرا، سینما کیریئر کی سب سے زیادہ سپرٹ فلم ثابت ہوئی۔جاری یواین آئی۔الف الف