EntertainmentPosted at: Jul 6 2025 10:47AM

جواں دلوں کی دھڑکن رنویر سنگھ

(6جولائی سالگرہ کے موقع پر)
ممبئی، 6 جولائی (یو این آئی) بالی ووڈ کے معروف اداکار اور جواں دلوں کی دھڑکن رنویر سنگھ آج 40 برس کے ہوگئے۔

رنویر چھ جولائی 1985 کو ممبئی میں پیدا ہوئے ۔
ان کے والد کا نام جگجیت سنگھ بھونانی اور ماں انجو بھونانی ہیں۔
ان کی ایک بڑی بہن بھی ہے جس کا نام ریتیکا بھونانی ہے۔

رنویر سنگھ بچپن سے ہی اداکار بننے کا خواب دیکھا کرتے تھے۔
رنویر نے ایچ آر کالج آف کامرس اینڈ اکنامکس، ممبئی، اس کے علاوہ، انڈیانا یونیورسٹی، امریکہ سے بیچلر آف آرٹس کی ڈگری حاصل کی۔
امریکہ سے ممبئی واپس آنے کے بعد انہوں نے کچھ سال اشتہارات میں کاپی رائٹر کے طور پر کام کیا۔
اس کے بعد جنوری 2010 میں انہیں یش راج فلمز کے بینر تلے بننے والی فلم بینڈ باجہ بارات میں آڈیشن کا موقع ملا جس میں انہیں مرکزی کردار کی پیشکش ہوئی۔
اس فلم میں اپنی بااثر اداکاری کے لیے وہ ’ڈیبیو ادارکار ‘ کے ایوارڈ سے نوازے گئے۔
اس فلم کے بعد رنویر سنگھ کا بالی ووڈ کا سفر کافی خوبصورت رہا، جس میں وہ اب تک اپنے مداحوں کو کئی ہٹ فلمیں دے چکے ہیں۔

سال 2012 میں انہیں ایک بار پھر یش راج فلمز کی فلم ’لیڈیز ورسیز رکی بہل‘ میں کام کرنے کا موقع ملا۔
حالانکہ یہ فلم باکس آفس پر کچھ خاص کمال نہیں دکھا سکی۔
رنویر کی تیسری فلم ’لٹیرا‘ ریلیز ہوئی ۔
فلم نے باکس آفس پر اوسط کامیابی حاصل کی لیکن ان کی اداکاری کو شائقین نے کافی پسند کیا۔

سال 2013 میں رنویر سنگھ کی ایک اور سپر ہٹ فلم ’گولیوں کی راس ليلا۔
رام لیلا‘ ریلیز ہوئی۔
سنجے لیلا بھنسالی کی ہدایت میں بنی اس فلم میں رنویر سنگھ اور دپیکا پاڈوکون کی جوڑی کو ناظرین نے بے حد پسند کیا۔
فلم نے باکس آفس پر 100 کروڑ روپے سے زیادہ کی کمائی کی۔

سال 2014 میں رنویر سنگھ کو ایک بار پھر یش راج بینر تلے بنی فلم ’غنڈے‘ میں کام کرنے کا موقع ملا۔
كوئلہ مافیاؤں کے ارد گرد گھومتی اس فلم میں رنویر نے اپنی چاکلیٹی شبیہ سے ہٹ کر موالی غنڈے کا کردار نبھایا۔
فلم میں ان کا یہ اسٹائل ناظرین نے کافی پسندکیا۔
یہ فلم سپر ہٹ ثابت ہوئی۔
2015 میں ’دل دھڑکنے دو‘ اور ’باجی راؤ مستانی‘ جیسی ہٹ فلم ریلیز ہوئیں۔
سال 2018 میں سنجے لیلا بھنسالی کی تنازعات میں گھری فلم ’پدماوت‘ ریلیز ہوئی جس میں رنویر نے مرکزی کردار ادا کیا۔
یہ فلم بھی سپر ہٹ ثابت ہوئی۔

اس کے بعد رنویر سنگھ کی مزاحیہ اور ایکشن سے بھرپور فلم سمبّا ریلیز ہوئی ۔
یہ فلم بھی سپر ہٹ ثابت ہوئی۔

رنویر نے 2012 میں اپنی فلم گولیوں کی راس لیلا رام لیلا کی شوٹنگ کے دوران اپنا دل دپیکا کو دے دیا تھا اور ایک طویل محبت کے بعد سال 2018 میں دپیکا پاڈوکون سے شادی کرلی۔
6 سال کی طویل محبت کے دوران دونوں نے کئی بار کھل کر ایک دوسرے کے لیے اپنی محبت کا اظہار کیا تھا۔

رنویر کی دیگر فلموں میں کِل دل، گلی بوائے ، بامبے ٹاکیز، ہے برو، بے فکرے، سوریئے ونشی ہیں۔
فلم ’83‘ انہوں نے کپل دیو کا کردار ادا کیا، اس کے علاوہ جیئش بھائی زوردار، سرکس، راکی اور رانی کی پریم کہانی، سمبا 2 اور سنگھم اگین شامل ہیں۔
رنویر کو فلموں میں بہترین اداکاری کے لئے کئی متعدد بار ایوارڈز سے نوازا جا چکا ہے۔

یو این آئی۔
این یو۔

Entertainment

یوگا نے نیہا دھوپیا کے چہرے کی چمک میں اضافہ کیا

کمار گورو نے ’لور بوائے‘ کے طور پر اپنی شناخت بنائی

ہندی سنیما میں اپنی مخصوص شناخت بنانے والے منفرد اداکار سنجیوکمار

08 Jul 2025 | 7:42 PM

ممبئی،8 جولائی (یو این آئی) گرودت کی بے وقت موت کے بعد ڈائریکٹر کے آصف نے اپنی فلم ’’لو اینڈ گاڈ‘‘ کی تخلیق کا کام بند کر دیا اور اپنی نئی فلم ’’سستا خون مہنگا پانی ‘‘كی پروڈکشن میں لگ گئے راجستھان کے خوبصورت شہر جودھپور میں اس فلم کی شوٹنگ کے دوران ایک نیا آرٹسٹ فلم میں اپنی باری آنے کا انتظار کرتا رہا تقریباً 10 دن گزرنے کے بعد بھی اسے کام کرنے کا موقع نہیں ملا۔بعد میں کے آصف نے اسے ممبئی واپس جانے کےلئے کہہ دیا۔ یہ سن کر اس لڑکے کی آنکھوں میں آنسو آگئے ۔ کچھ عرصہ بعد انہوں نے ’سستا خون مہنگا پانی‘ بند کردی اور ایک مرتبہ پھر ’لو اینڈ گاڈ‘ بنانے کا اعلان کردیا۔