نئی دہلی، 3 ستمبر (یواین آئی) وزیر اعظم نریندر مودی نے اشیاء اور خدمات ٹیکس (جی ایس ٹی) کی شرحوں کی از سر نو تشکیل اور نظام کو بہتر بنانے کے لئے بدھ کو جی ایس ٹی کونسل کے فیصلے پر خوشی کا اظہار کیا ہے اور کہا ہے کہ اس سے عام آدمی کی زندگی آسان ہوگی اور معیشت کو فروغ ملے گاجی ایس ٹی کی چار اہم شرحوں کو دو سلیب میں محدود کرنے اور دیگر فیصلوں کے بعد وزیر خزانہ نرملا سیتا رمن کی سربراہی میں جی ایس ٹی کونسل کے فیصلے کے اعلان کے بعد مسٹر مودی نے ایک بیان میں کہا، "اپنی یوم آزادی کی تقریر کے دوران، میں نے جی ایس ٹی میں اگلی نسل کی اصلاحات لانے کے اپنے ارادے کے بارے میں بات کی تھی۔"
وزیر اعظم نے کہا کہ مرکزی حکومت نے جی ایس ٹی کی شرحوں کو معقول بنانے اور طریقہ کار میں اصلاحات کے لیے ایک تفصیلی تجویز تیار کی تھی، جس کا مقصد عام آدمی کی زندگی کو آسان بنانا اور معیشت کو مضبوط بنانا ہے۔
مسٹرمودی نے کہا، "یہ بتاتے ہوئے خوشی ہو رہی ہے کہ مرکز اور ریاستوں کی جی ایس ٹی کونسل نے مرکزی حکومت کی طرف سے جی ایس ٹی کی شرح میں کمی اور اصلاحات پر پیش کردہ تجاویز پر اجتماعی طور پر اتفاق کیا ہے، جس سے عام آدمی، کسانوں، ایم ایس ایم ای، متوسط طبقے، خواتین اور نوجوانوں کو فائدہ پہنچے گا۔"
وزیر اعظم نے کہا کہ "جامع اصلاحات ہمارے شہریوں کی زندگیوں کو بہتر بنائیں گی اور سب کے لیے، خاص طورپر چھوٹے تاجروں اور کاروبار کے لئے تجارت کرنے میں آسانی کو یقینی بنائیں گی۔
یواین آئی۔الف الف