پٹنہ، 19 اپریل (یو این آئی) لوک سبھا انتخابات کے پہلے مرحلے میں بہار کے چار پارلیمانی حلقوں گیا ( محفوظ)، اورنگ آباد، نوادہ اور جموئی (محفوظ) میں سخت حفاظتی انتظامات کے درمیان جمعہ کی صبح 7 بجے ووٹنگ شروع ہوگئی۔
الیکشن آفس کے مطابق اورنگ آباد، گیا (محفوظ)، جموئی (محفوظ) اور نوادہ پارلیمانی حلقوں میں صبح 7 بجے سے ووٹنگ شروع ہوگئی ہے۔ سابق وزیر اعلی جیتن رام مانجھی سمیت 38 امیدواروں کی قسمت کا فیصلہ کرنے کے لیے ان علاقوں کے 7903 پولنگ اسٹیشنوں پر 3963223 مرد ووٹرز سمیت کل 7601629 ووٹر اپنے حق رائے دہی کا استعمال کریں گے۔ اس الیکشن میں پہلی بار کل 92602 ووٹرز اپنا حق رائے دہی استعمال کریں گے۔
یو این آئی۔ این یو۔