NationalPosted at: Apr 16 2024 1:58PM بی جے پی کی 12ویں فہرست جاری، سات امیدواروں کے ناموں کا اعلان
نئی دہلی، 16 اپریل (یو این آئی) بھارتیہ جنتا پارٹی (بی جے پی) نے آج لوک سبھا انتخابات کی 12ویں فہرست میں اتر پردیش، پنجاب، مہاراشٹر اور مغربی بنگال کی سات نشستوں کے لیے امیدواروں کے ناموں کا اعلان کر دیا۔ اس کے ساتھ ہی پارٹی نے آج تلنگانہ اور اتر پردیش کی پانچ اسمبلی نشستوں کے ضمنی انتخابات اور اڈیشہ اسمبلی انتخابات کے لیے 21 امیدواروں کے ناموں کا اعلان کیا۔
بی جے پی کی سنٹرل الیکشن کمیٹی کی طرف سے منظور کردہ 12ویں فہرست کے مطابق، چھترپتی ادےان راجے بھوسلے کو مہاراشٹر کے ستارا سے اور ابھیجیت داس (بوبی) کو مغربی بنگال کی ڈائمنڈ ہاربر سیٹ سے میدان میں اتارا گیا ہے۔ ٹھاکر وشواجیت سنگھ کو اتر پردیش کی فیروز آباد سیٹ سے اور ششانک منی ترپاٹھی کو دیوریا سے ٹکٹ دیا گیا ہے۔ منجیت سنگھ منا میاونڈ کو پنجاب کی کھڈور صاحب سیٹ سے، مسز انیتا سوم پرکاش کو ہوشیار پور (ر) سے اور سابق آئی اے ایس آفیسر مسز پرم پال کور سدھو کو بھٹنڈہ سے میدان میں اتارا گیا ہے۔
اسمبلی ضمنی انتخابات میں ڈاکٹر ٹی این ومشا تلک کو تلنگانہ کی سکندرآباد کنٹونمنٹ سیٹ سے، اروند سنگھ کو اتر پردیش کی ددرول سیٹ سے، او پی سریواستو کو لکھنو¿ ایسٹ سے، شیلندر سنگھ شیلو کو گینسڈی سے اور شراون گونڈ کو دودھی (ر) سے میدان میں اتارا گیا ہے۔
بی جے پی نے اوڈیشہ اسمبلی انتخابات کے لیے دوسری فہرست میں 21 امیدواروں کا اعلان کیا ہے، جن میں سے دو خواتین ہیں۔
یواین آئی، م ش