OthersPosted at: Apr 19 2024 10:14AM مہاراشٹرا کی پانچ نشستوں پر پرامن پولنگ کا آغاز, آر ایس ایس کے سربراہ ڈاکٹر موہن بھاگوت نے ناگپور میں اپنا ووٹ ڈالا
ممبئی، 19 اپریل (یو این آئی) لوک سبھا انتخابات کے پہلے مرحلے میں مہاراشٹرا کی 48 میں سے 5 نشتوں نشستوں پر ہونے والے انتخابات کے لئے منعقدہ پولنگ کا آج صبح بروز جمعہ پرامن آغاز عمل میں آیا ۔
ابتدائی ایام میں اپنے حق رائے دہندگی کا استعمال کرنے والوں میں راشٹریہ سویم سیوک سنگھ (آر ایس ایس) کے سرسنگھ چالک ڈاکٹر موہن بھاگوت کا نام شامل ہے جنہوں ناگپور میں اپنا ووٹ ڈالا۔
جن پانچ نشستوں پر انتخابات کا انعقاد عمل میں آرہے ہیں ان میں ناگپور، رام ٹیک، بھنڈارا چندر پور اور گڈچرولی کے حلقہ انتخابات شامل ہیں جہاں کل ملاکر 97 امیدوار اپنی قسمت آزمائی کررہے ہیں جس میں مرکزی وزیر نتن گڈکری کی نشست بھی شامل ہے جو اپنے آبائی وطن ناگپور سے انتخابی دنگل میں اترئے ہوئے ہیں ۔
سرکاری ذرائع نے بتایا کہ سخت حفاظتی انتظامات کے درمیان شروع ہونے والے ان انتخابات کے ابتدائی ایام میں رائے دہندگان کا زبردست ردعمل نظر آیا۔
اس مرحلے میں 97 امیدوار مقابلہ کر رہے ہیں، جن کی قسمت کا فیصلہ 95.54 لاکھ رجسٹرڈ ووٹرز کریں گے۔ اس میں 48.28 لاکھ مرد، 47.26 لاکھ خواتین، اور 347 خواجہ سرا شامل ہیں۔
ان حلقہ انتخابات میں مہایوتی اور مہاوکاس اگھاڑی کے درمیان سیدھی لڑائی دکھلائ دے رہی ہیں ۔ووٹنگ 0700 بجے شروع ہوئی تھی اور 1800 بجے ختم ہوگی۔
الیکشن کمیشن آف انڈیا نے کل 10,652 پولنگ اسٹیشن قائم کیے ہیں، جن میں 21,527 بیلٹ یونٹس، 13,963 کنٹرول یونٹس اور 14,755 VVPAT مشینیں ہیں۔
امیدواروں میں ناگپور سے بی جے پی کے سینئر لیڈر نتن گڈکری، چندر پور سے ریاستی کابینہ کے وزیر سدھیر منگنٹیوار، بھنڑارہ سے بی جے پی کے سنیل مینڈھے، گڈچرولی سے بی جے پی کے اشوک نیتے، چندر پور سے پرتیبھا دھنورکر (کانگریس)، چندر پور سے ڈاکٹر پرشانت پاڈولے شامل ہیں۔ کانگریس سے بندھارا، گڈچرولی-چیمور سے کانگریس کے امیدوار ڈاکٹر نام دیو کرسن، کانگریس کے شیام کمار باروے، ایکناتھ شندے کی قیادت والی شیو سینا کے امیدوار راجو پروے اور رام ٹیک سے ونچت بہوجن اگھاڑی کے کشور گجبھیے شامل ہیں ۔
یو این آئی اے اے اے