RegionalPosted at: Jul 15 2018 9:08PM سنتوں اور عظیم شخصیات کی پہچان انکی خوبیوں سے کرنی چاہئے:رام ناتھ کووند
سرسہ ،15جولائی (یواین آئی )صدرجمہوریہ رام ناتھ کووندنے آج کہاکہ سنتوں اور عظیم شخصیات کی پہچان انکے خطہ ،سماج اور خاندان سے کرنے کے بجائے ہمیں انکی خوبیوں سے کرنی چاہئے جیسے سنت شرومنی کبیر داس نے جو تعلیم سیکڑوں سال قبل انسانوں کو دی اسکی آج بھی اہمت برقرارہے ۔
انھوں نے کہاکہ سنت کبیر کسی سماج کے نہیں بلکہ پورے سماج کے لئے مشعل راہ تھے ،انکی باتوں میں ایک ایسے سماج کی تشکیل کا تصور تھا جس میں اونچ نیچ ،ذات پات اورکسی بھی طرح کے امتیازی سلوک کی جگہ نہیں ہے ۔
رام ناتھ کووند آج سنت شرومنی کبیر کے 620ویں پرکٹ دیوس کے موقع پر فتح آباد کی اناج منڈی منعقدہ بین ریاستی کبیر کمبھ میں اظہار خیال کررہے تھے ۔صدرجمہوریہ نے کہاکہ سنت کبیر نے کسی کو بھی پنتھ ،ذات ،زبان وغیرہ کے بندھن میں نہیں باندھا۔انکی تعلیمات میں مساوات کے ساتھ ساتھ سماجی انصاف کا جذبہ دیکھنے کو ملتاہے ۔انھوں نے کہاکہ گرونانک دیو نے اپنی بانی میں جگہ جگہ سنت کبیر کے دوہوں کا ذکر کیاہے ۔
پروگرام کی صدارت گورنرکپتان سنگھ سولنکی نے کی جبکہ وزیراعلی کے نمائندہ کے طورپر ٹرانسپورٹ کے وزیرکرشن پنوارنے شرکت کی ۔
یواین آئی۔ایف اے