NationalPosted at: Feb 24 2018 2:16PM بلاک سطح پر کھلے گا جن دوا مرکز، سستی دوائیں دستیاب ہوں گی
نئی دہلی، 24 فروری (یو این آئی) حکومت نے غیر معمولی بیماریوں سےمتاثر لوگوں کو سستی اور معتبر دوائیں فراہم کرنے کے لئے بلاک سطح پر جن دوا کے مرکز کھولنے کا عزم ظاہر کرتے ہوئے کہا کہ اب تک مختلف مقامات پر اس قسم کے 3177 مرکز کھولے جا چکے ہیں۔
کیمیکل اورفرٹیلائزرز کے وزیر اننت کمار نے کہا کہ حکومت بلاک سطح پر جن دوا کے مرکز کھولنے کے لئے پابند عہد ہے۔ جن دوا مراکز سے امراض قلب، کینسر ، ٹی وی ، ذیابیطس جیسی بیماریوں کی دوائیں بازار کے مقابلہ میں معمولی قیمت پر ملتی ہیں۔ ان مرکزوں سے تقریبا 600 قسم کی ادویات اور 150 صحت سے متعلق سازوسامان دستیاب ہیں۔
ملک میں تقریبا دس ہزار دوا ساز کمپنیاں ہیں جن میں سے 1200 کمپنیوں کی دوائیں عالمی صحت تنظیم کے معیار جی ایم پی کے تحت منظور ہیں اور ان ہی کمپنیوں سے جن دوا مرکز کے لئے جینرک دوائیں خریدی جاتی ہیں۔ ان کمپنیوں کی دوائیں دنیا کے تقریبا 200 ملکوں میں فروخت کی جاتی ہیں۔
جاری-یو این آئی-ص ا