ممبئی،2ستمبر(یواین آئی)بالی ووڈ اداکارہ کاجول نے اجے دیوگن کے ساتھ شادی کرنے کا راز بتایا ہے۔
کاجول نے 1999میں اپنے کریئر کی بلندیوں پر ہوتے ہوئے اداکار اجے دیوگن سے شادی کی تھی۔
کاجول نے 17سال بعد بتایا کہ کیوں کریئر کی اونچائیوں پر پہنچنے کے بعد انہوں نے اجے سے شادی کرنے کا فیصلہ کیا۔
کاجول نے بتایا کہ انہوں نے شادی کافیصلہ اس لئے کیا کہ وہ اپنا گھر بسانا چاہتی تھیں۔
زندگی میں سکون چاہتی تھیں،تاکہ پیشہ ور محاذ پر چیزوں کو آسانی سےلے سکیں ۔
انہوں نے کہا،’’اپنے کریئر کے لئے میرا ذہن بالکل صاف تھا کہ شادی کے بعد میں ایک سال میں ایک فلم کروں گی۔
اس وقت یہ فیصلہ میرے لئے بالکل صحیح تھا۔
اس سے پہلے میں تقریباً آٹھ یا نو سال کام کرچکی تھی۔
میں پیشہ ور طور پر تھوڑا آرام کرنا چاہتی تھی۔
‘‘ یواین آئی۔
اےایم۔
1529