NationalPosted at: May 19 2019 9:37PM ایگزٹ پول میں پھر این ڈی اے کی حکومت
نئی دہلی، 19 مئی (یو این آئی) ملک میں نئی حکومت کے قیام کی کوششوں کی گہما گہمی کے درمیان تقریباً سات مرحلے کی پولنگ کے اختتام کے بعد سروے (ایگزٹ پول) نے سترہویں لوک سبھا میں بھارتیہ جنتا پارٹی (بی جے پی) کی قیادت میں قومی جمہوری اتحاد (این ڈی اے) کی پھر مرکز میں حکومت بننے کا دعوی کیا ہے حالانکہ یہ واضح نہیں ہے کہ بی جے پی اکیلے 272 کا عدد پار کر سکے گی یا نہیں۔
لوک سبھا کی 543 میں سے 542 نشستوں کے لئے ہونے والی پولنگ کے بعد کے نو سروے میں سے آٹھ میں این ڈی اے کی واضح اکثریت کے ساتھ دوبارہ اقتدار میں آنے کا اندازہ ظاہر کیا گیا ہے جبکہ کانگریس کی قیادت والے متحدہ ترقی پسند اتحاد (یو پی اے) کو اکثریت سے بہت دور دکھایا گیا ہے۔ این ڈی اے کو کم از کم 231 سے 333 نشستیں ہیں جبکہ یو پی اے 62 اور 164 نشستوں کے درمیان ہونے کا امکان ہے۔ دیگر جماعتوں کو 94 سے 159 تک نشستیں حاصل کرنے کا اندازہ لگایا گیا ہے۔
ٹائمز ناؤ- وي ایم آر سروے نے بی جے پی اور اتحادیوں کو 304 نشستیں، کانگریس کی قیادت والے متحدہ ترقی پسند اتحاد (یو پی اے) کو 132 اور دیگر کو 104 سیٹیں ملنے کا اندازہ ظاہر کیا ہے۔
ری پبلک ٹی وی - سی ووٹر نےاپنے سروے میں این ڈی اے کے لئے 287 نشستیں، یو پی اے کے 128 نشستوں اور دیگر کو 127 نشستیں ملنے کا امکان ظاہر کیا گیا ہے۔ نیوز نیشن نے بی جے پی اور اتحادیوں کو 282 سے 290 نشستیں، کانگریس اور اتحادیوں کو 118 سے 126 سیٹیں اور دیگر جماعتوں کو 130- 138 نشستیں ملنے کا امکان ظاہر کیا ہے۔
نیوز 18 کے سروے میں، این ڈی اے کو 292 سے 312 نشستیں ، یو پی اے کو 62 سے 72 نشستیں اور 102 سے 112 نشستیں دی گئی ہیں۔ نیوز ایکس نےاین ڈی اے کو 242 نشستیں، یو پی اے کی 164 نشستوں اور 137 نشستیں دی ہیں ۔
اسی طرح، سدرشن نیوز نے این ڈی اے کو 313، یوپی اے کو 121 اور دیگر 109 نشستیں دی ہیں۔پیس ریسرچ کے ایک سروے کے مطابق، این ڈی اے 231 نشستیں یو پی اے کو 152 نشستیں اور دیگر کو 159 نشستیں حاصل کر رہی ہیں۔ایک دیگر سروے میں وی ڈی پی ایسوسی ایٹ کے ایک دیگر سروے نے، این ڈی اے 333 نشستیں، یو پی اے کو 115 نشستیں اور دیگر 94 نشستیں دی ہیں۔ جن کی بات ٹی وی چینل نے این ڈی اے کو305 نشستیں، یو پی اے کو 124 نشستیں اور دیگر کو 113 نشستیں دی ہیں۔
یو این آئی۔ ع ا۔