ترواننت پورم، 26 اپریل (یو این آئی) لوک سبھا انتخابات کے دوسرے مرحلے میں کیرالہ کی تمام 20 سیٹوں پر ووٹنگ جمعہ کی صبح 7 بجے شروع ہوئی اور شام 7 بجے تک جاری رہے گی۔
چیف الیکٹورل آفیسر نے کہا کہ ریاست میں پرامن، شفاف اور آزادانہ طور پر ووٹنگ کے انعقاد کے لیے مکمل تیاریاں کی گئی ہیں۔ کسی بھی ناخوشگوار واقعہ کو رونما ہونے سے روکنے کے لیے سیکورٹی کے سخت انتظامات کیے گئے ہیں۔ ریاست میں 1,43,33,499 خواتین سمیت 2,77,49,159 رائے دہندگان 194 امیدواروں کی قسمت کا فیصلہ کرنے کے لیے اپنا حق رائے دہی استعمال کریں گے۔ جس میں 25 خواتین امیدوار بھی قسمت آزمائی کر رہی ہیں۔
کیرالہ میں 13,272 مقامات پر قائم 25,231 پولنگ اسٹیشنوں پر صبح سے ہی کئی پولنگ اسٹیشنوں پر ووٹروں کی لمبی قطاریں دیکھی گئیں۔
یواین آئی۔ م س