کلکتہ 26اپریل (یواین آئی) وزیر اعلیٰ ممتا بنرجی نے 26 ہزار اسکول اساتذہ کی نوکریاں منسوخ کئے جانے پر بی جے پی اور سی پی ایم کی سخت تنقید کرتے ہوئے کہا کہ اگر چند افراد نے بدعنوانی کی ہے اس کی سزا تمام افراد کو دینا کہاں کا انصاف ہے بی جے پی اور سی پی آئی کی ملی جلی بھگت کا یہ نتیجہ ہے گھٹال میں ترنمول کانگریس کے امیدوار و ادالار پردیپ کی حمایت میں ریلی سے خطاب کرتے ہوئے وزیرا علیٰ نے کہا کہ آپ نے آدم خور شیر دیکھا ہے کیا آپ نے لوگوں کو کام کرتے دیکھا ہے؟ کیا آپ نے بی جے پی، سی پی ایم پارٹی، رام بام شام دیکھی؟ 26 ہزار بچوں کی نوکریاں لے کر 12 فیصد سود کے ساتھ پیسے واپس کرنے کا کہہ رہے ہیں جب چاہو کام لے لو۔ وزیر اعلیٰ ممتا بنرجی نے بی جے پی لیڈروں کو لکشمی بھنڈار پراجیکٹ کے بارے میں خبردار بھی کیا۔ ممتا بنرجی نے کہا، لکشمی کہہ کر دکان بند کر دیں گے، کنچ کلا کھائیں گے۔ معدہ ٹھنڈا ہو جائے گا۔ یہ آپ کا پیسہ نہیں، آپ کی ماں کا پیسہ ہے۔ عزت نفس کے ساتھ کھلواڑ نہ کریں ۔کیا آپ نے ماں کی آستین کا کھیل دیکھا ہے؟ لاٹھی سے سالن کاٹنے کا کھیل دیکھا؟۔ممتا بنرجی نے کہا کہ یہ بنگال ہے مرکزی ایجنسیوں کے استعمال سے کوئی فائدہ ہونے والا نہیں ہے۔بنگال کے عوام ان کی حقیقت کو جان لیا ہے۔
ممتا بنرجی نے کہا کہ 2011 میں اقتدار میں آنے کے بعد میں نے خود ہی نعرہ دیا تھا، بدلا نہیں، تبدیلی چائی۔مگر13 سال بعد وزیر اعلیٰ ممتا بنرجی نے مغربی مدنی پور کی پنگلا میں کہا کہ ان کی غلطی تھی کہ انہوں نے یہ نعرہ دیا۔ وزیر اعلیٰ نےکہا کہ بائیں بازو کے دور میں جنگل محل میں قتل اور تشدد کے واقعات ہوئے ۔لوگوں کے گھروں کی نگرانی کی جاتی تھی اور سیاسی کارکنان کا قتل کیا جاتا تھا۔ سی پی ایم نے سب سے بڑی چوری کی ہے۔ یہ میری غلطی تھی کہ میں نے کہا تھا کہ میں تبدیلی چاہتی ہوں، بدلہ نہیں۔آج بی جے پی کی دوانکھیں کانگریس اور سی پی ایم بن چکی ہے۔بنگال میں انڈیا اتحاد نام کی کوئی چیز نہیں ہے۔میں نے ہی انڈیا اتحاد کا نام دیا تھا ۔میں دہلی میں مضبوط حکومت چاہتی ہوں ۔اور ترنمول کانگریس ہی یہ کرسکتی ہے۔
یواین آئی۔نور