ممبئی، 26 اپریل (یو این آئی) لوک سبھا انتخاب 2024 کے دوسرے مرحلہ کے دوران ووٹرس اور بطور خاص مسلم رائے دہندگان نے بڑے پیمانے پر اپنے آیئنی حق کے استعمال کیا مسلم ووٹرس اور خاص کر مسلم خواتین نے شدید گرمی کے باوجود لمبی لمبی قطاروں میں کھڑے ہو کر ووٹنگ کی مہاراشٹر کے مراتھواڑہ علاقے میں آج تین حلقوں میں ووٹنگ ہوئی۔ پربھنی، ناندیڑ اور ہنگولی ان حلقوں بڑی تعداد میں میں مسلم آبادی ہے، ان مسلم علاقوں کے پولنگ مراکز میں بڑی بڑی قطاریں آج دیکھنے کوملی۔ آج رائے دیہی کے دن چونکا دینے والی بات یہ نظر آئی کہ مسلم علاقوں میں تمام ہی پولنگ مراکز پر خواتین کی بڑی بڑی قطاریں لگی رہی۔ان خواتین نے اپنا ووٹ ڈالنے کے لیے گھنٹوں قطار میں کھڑا ہونا پسند کیا، بوڑھی اور ضعیف خواتین بھی کافی دیر تک قطاروں میں کھڑی نظرآئی، اور اپنا ووٹ ڈال کر ہی وہ واپس لوٹی۔
پربھنی کے درگاہ روذ، ممتاز نگر ، آصفیہ کالونی اور دہگر مسلم علاقوں کے مسلم علاقوں میں دوپہر تک ہی بڑے پیمانے پر ووٹنگ ہوچکی تھی۔ ان حلقوں میں مسلم ووٹرس میں بڑے پیمانے پر جوش و خروش دیکھنے میں آیا۔ مسلم ووٹرس جوق در جوق اپنے گھروں سے نکلتے ہوئے دیکھے گئے۔اور ان علاقوں میں پولنگ بوتھ پر مسلم ووٹرس کی لمبی لمبی قطاریں لگی ہوئی تھیں۔اسی طرح ناندیز اور ہنگولی میں بھی مسلم علاقوں میں بڑے پیمانے پر ووٹنگ ہونے کی اطلاعات ہیں۔
آج جن حلقوں میں ووٹنگ ہونے والی ہے ان میں ودربھ کے بلڈھانہ، واشیم-ایوت محل، اکولہ، امراوتی اور وردھا شامل ہیں۔ جبکہ مراٹھواڑہ کے تین حلقے ناندیڑ، ہنگولی اور پربھنی میں بھی ووٹرس اپنے حق رائے دیہی کا استمعال کیا۔
ودربھ میں ، بلڈھانہ حلقے میں شندے سینا کے رکن پارلیمنٹ پرتاپراؤ جادھو شیو سینا( یو بی ٹی) کے امیدوار نریندر کے درمیان مقابلہ ہے۔ وردھا میں، بی جے پی امیدوار اور موجودہ ایم پی رامداس تاڈاس کا مقابلہ این سی پی( شرد پوار)کے امیدوار امر کالے سے ہے۔ اکولہ میں، بی جے پی نے موجودہ بی جے پی ایم پی سنجے دھوترے کے بیٹے انوپ دھوترے کو میدان میں اتارا ہے، جن کا مقابلہ ونچیت بہوجن اگھاڑھی کے سربراہ پرکاش امبیڈکر اور کانگریس کے امیدوار ابے کاشی ناتھ پاٹل سے ہے۔امراوتی میں موجودہ آزاد ایم پی نونیت رانا، اب بی جے پی کے ٹکٹ پر کانگریس کے امیدوار بلونت وانکھیڑے اور بچو کڈو کے دنیش بب کی قیادت میں پرہار پارٹی کے امیدوار کے خلاف الیکشن لڑ رہے ہیں۔ واشم-ایوتامحل سے شندے سینا کے ہنگولی کے موجودہ ایم پی ہیمنت پاٹل کی بیوی، راج شری پاٹل اور مہاوکاس اگھاڑی ( انڈیا) نامزد امیدوار سنجے دیشمکھ کے درمیان مقابلہ ہے۔ دلچسپ بات یہ ہے کہ اس حلقے سے سینا کی پانچ بار رکن اسمبلی بھاونا گوالی کو اس بار ٹکٹ نہیں دیا گیا ہے۔
مراٹھواڑہ علاقے میں ناندیڑ حلقے میں بی جے پی کے موجودہ رکن پارلیمنٹ پرتاپ پاٹل چکلیکر کانگریس کے امیدوار سابق رکان اسمبلی وسنت چوان کے خلاف الیکشن لڑ رہے ہیں۔ پربھنی میں راشٹریہ سماج پارٹی (RSP) کے صدر مہادیو جانکر مہایوتی امیدوار کی جانب سے الیکشن لڑ رہے ہیں انکا مقابلہ شیو سینا( یو بی ٹی) کے امیدوار موجودہ رکن پارلیمنٹ سنجے عرف بندو جادھو کے ساتھ ہے۔ جبکہ ہنگولی حلقہ میں، بابو راؤ کدم (شندے سینا) کا مقابلہ مقابلہ شیو سینا( یو بی ٹی) کے امیدوار ناگیش پاٹل استکار سے ہے۔
ان تمام حلقوں میں ہر جگہ مہاوتی ( این ڈی اے) اور مہاوکاس اگھاڑی ( انڈیا) کے درمیان سیدھی لڑائی ہے۔ جبکہ ونچیت بہوجن اگھاڑھی (VBA) نے بھی دونوں محاذوں کو چیلنج کر نے کی کوشش کر رہی ہے۔
یو این آئی- اے اے اے