بھوپال، 26 اپریل (یو این آئی) لوک سبھا انتخابات کے دوسرے مرحلے کے تحت مدھیہ پردیش میں آج صبح سات بجے چھ پارلیمانی حلقوں میں سخت حفاظتی انتظامات کے درمیان ووٹنگ شروع ہوئی اور شام چھ بجے تک ایک کروڑ 11 لاکھ 62 ہزار سے زیادہ رائے دہندگان 12,828 پولنگ سٹیشنوں میں اپنے حق رائے دہی کا استعمال کرسکیں گے ۔
ان چھ پارلیمانی حلقوں میں بھارتیہ جنتا پارٹی (بی جے پی) کے ریاستی صدر اور کھجوراہو سے ایم پی وشنودت شرما سمیت 80 امیدواروں کی قسمت داؤ پر لگی ہوئی ہے۔ صبح 7 بجے ووٹنگ شروع ہونے سے ڈیڑھ گھنٹہ قبل ماک پول کیا گیا۔ پہلے مرحلے میں نسبتاً کم ٹرن آؤٹ کی وجہ سے الیکشن کمیشن نے تمام ووٹرز سے دوسرے مرحلے میں ووٹ ڈالنے کی اپیل کی ہے۔ آج چھ پارلیمانی سیٹوں ٹیکم گڑھ، دموہ، ستنا، ریوا، کھجوراہو اور ہوشنگ آباد میں ووٹنگ ہو رہی ہے۔
یواین آئی۔ م س