26 Nov 2021 | 9:25 PMکانپور 26 نومبر (یو این آئی) ٹم ساوتھی (69 رن پر پانچ وکٹیں) کی خطرناک گیندبازی کے بعد ٹام لاتھم (50 ناٹ آؤٹ) اور ول ینگ (75 ناٹ آؤٹ) کی سلامی جوڑی کے مابین 129 رن کی شاندار سنچری شراکت داری کی بدولت نیوزی لینڈ نے یہاں کھیلے جارہے پہلے ٹسٹ میچ کے دوسرے دن جمعہ کے روز میزبان ہندوستان کی پہلی اننگز کے 345 رن کے جواب میں اپنی پہلی اننگز بغیر وکٹ گنوائے 129 رن بناکر مضبوط شروع کرلی ہے۔ گرین پارک گراؤنڈ پر اپنا ٹیسٹ ڈیبیو کھیلنے والے شریس ایر (105) کی شاندار سنچری کے علاوہ دوسرے دن کا کھیل مکمل طور پر مہمان ٹیم کے نام رہا۔ نیوزی لینڈ کی شاندار گیندبازی کی وجہ سے ہندوستانی ٹیم کے چھ کھلاڑی لنچ کے فوراً بعد پویلین لوٹ گئے اور چار وکٹوں پر 258 رن میں 87 رنز کا اضافہ ہی کرسکے۔
see more.. 26 Nov 2021 | 9:24 PMبھونیشور، 26 نومبر (یو این آئی) ہاکی انڈیا نے بنگلہ دیش کے دارالحکومت ڈھاکہ میں 14 سے 22 دسمبر تک ہونے والی ایشین چیمپئنز ٹرافی کے لیے جمعہ کے روز 20 رکنی ہندوستانی مردوں کی ہاکی ٹیم کا اعلان کیا ٹورنامنٹ میں ٹیم کی قیادت من پریت سنگھ کریں گے جبکہ ڈریگ فلکر ہر منپریت سنگھ نائب کپتان کے طور پر اپنا رول ادا کریں گے۔تجربہ کار گول کیپر پی آر سری جیش کو ٹیم میں شامل نہیں کیا گیا ہے اولمپک کانسی کا تمغہ فاتح اور دفاعی چمپئن ہندوستان مقابلے کے پہلے کوریا کے خلاف مقابلے کے ساتھ اپنی مہم کی شروعات کرے گا۔ اس کے بعد15 دسمبر کو وہ میزبان بنگلہ دیش سے مقابلہ کرے گا۔ ہندوستان پھر سنگل پول ٹورنامنٹ میں17، 18 اور 19 دسمبر کو بالترتیب روایتی حریف پاکستان، ملائیشیا اور جاپان سے مقابلہ کرے گا۔
see more.. 25 Nov 2021 | 10:27 PMبھونیشور، 25 نومبر (یو این آئی) دفاعی چمپئن ہندوستان نے فرانس کے خلاف شکست کے جھٹکے سے سنبھلتے ہوئے جمعرات کے روز یہاں کلنگا اسٹیڈیم میں کھیلے گئے جونیئر ورلڈ کپ ہاکی ٹورنامنٹ کے پول بی میچ میں کینیڈا کو 1-13کے بڑے فرق سے شکست دی یہ ہندوستان کی دو میچوں میں پہلی جیت ہے۔ اسے گزشتہ روز فرانس سے چار۔پانچ سے شکست کا سامنا کرنا پڑا تھا۔ لیکن ہندوستانی کھلاڑیوں نے اس شکست کا سارا غصہ کینیڈا پر نکالا۔ ہندوستان نے پہلے ہاف میں چار اور دوسرے ہاف میں نو گول کئے۔ ہندستان کی اس یک طرفہ جیت میں ہندل ارجیت سنگھ نے تین گول کئے۔
see more.. 25 Nov 2021 | 6:47 PMبھونیشور، 25 نومبر (یو این آئی) دنیا کی بہترین ہاکی ٹیموں میں سے ایک ارجنٹینا کی جونیئر مردوں کی ہاکی ٹیم نے جمعرات کو یہاں ایف آئی ایچ جونیئر مینز ہاکی ورلڈ کپ 2021 میں پول ڈی کے دوسرے میچ میں مصر کو 0-14 سے شکست دی ۔
see more..