ممبئی، 17 اپریل (یو این آئی) ریلائنس فاؤنڈیشن نے ممبئی میں ’بلڈنگ فلورشنگ فیوچرز‘ کے نام سے ایک کانفرنس کا انعقاد کیا ہے اس دو روزہ کانفرنس میں سرکاری اور نجی شعبوں کے 200 سے زائد ماہرین نے شرکت کی ’ابتدائی بچپن کی دیکھ بھال اور تعلیم‘ کے شعبے سے وابستہ ہندوستان اور بیرون ملک کے ان ماہرین اور ماہرین تعلیم نے ’پلے بیسڈ ایجوکیشن‘ پر اپنے تجربات کا اشتراک کیا یہ کانفرنس دھیرو بھائی امبانی انٹرنیشنل اسکول ( ڈی اے آئی ایس)، ممبئی میں منعقد ہوئی۔
دو روزہ کانفرنس میں والدین، اساتذہ اور کمیونٹیز کی ترقی کے لیے کام کرنے کے نئے انداز اور طریقوں پر تفصیلی بات چیت کی گئی۔ ہندوستان کی قومی تعلیمی پالیسی 2020( این ای پی) نے ' ابتدائی بچپن کی دیکھ بھال اور تعلیم' کو مقبول بنانے اور اسے عوام تک قابل رسائی بنانے کا ہدف مقرر کیا ہے۔ اس سمت میں مقررین اور شرکاء کے لیے 10 ماسٹر کلاسز، 15 انٹرایکٹو لرننگ اسٹیشنز اور 30 اسپیکر سیشنز کا اہتمام کیا گیا۔
ریلائنس انڈسٹریز لمیٹڈ کی ڈائریکٹر اور دھیرو بھائی امبانی انٹرنیشنل اسکول کی وائس چیئرپرسن محترمہ ایشا امبانی نے کانفرنس کے سیشنز میں گہری دلچسپی دکھائی۔ انہوں نے ماہرین کے ساتھ موضوعات کی ایک وسیع رینج پر تبادلہ خیال کیا اور مختلف لرننگ اسٹیشن پر شرکاء سے بات چیت کی۔
شری سمپت کمار، چیف سکریٹری اور آئی اے ایس، میگھالیہ حکومت، دی لرننگ اسکوائر سے محترمہ این وان ڈیم، امید چائلڈ ڈیولپمنٹ سینٹر سے ڈاکٹر ویبھا کرشنامورتی، یونیسیف سے محترمہ سنیشا آہوجا اور ڈاکٹر ریتا پٹنائک، جوائنٹ ڈائریکٹر، این آئی پی سی سی ڈی، خواتین اور بچوں کی ترقی کی وزارت مرکزی مقررین میں شامل تھی۔
ڈاکٹر مہیش بالسیکر، سر ایچ این ریلائنس فاؤنڈیشن ہاسپٹل اینڈ ریسرچ سینٹر کے ماہر امراض اطفال، مسٹر ابھیمنیو باسو، دھیرو بھائی امبانی انٹرنیشنل اسکول کے ڈین اور سی ای او اور ریلائنس فاؤنڈیشن کے ہیڈ آف ایجوکیشن ڈاکٹر نیلے رنجن جیسے ماہرین نے بھی اپنے تجربات کا اشتراک کیا۔
دو روزہ کانفرنس میں شریک آنگن واڑی کارکنوں، اساتذہ، ہیڈ ماسٹرز، پالیسی سازوں اور خیراتی اداروں کے نمائندوں نے نئے آئیڈیاز اور کام کرنے کے انداز پر تبادلہ خیال کیا۔ انہوں نے اینی میٹڈ گیم پر مبنی تعلیمی نمائشوں میں حصہ لیا۔ انہوں نے مجموعی ابتدائی بچپن کی دیکھ بھال اور تعلیم کی طرف دیکھ بھال اور کراس لرننگ کی حکمت عملیوں پر بھی تبادلہ خیال کیا۔
ریلائنس فاؤنڈیشن کی بانی اور چیئرپرسن محترمہ نیتا امبانی کے ' ہیپی اسکولز، ہیپی لرنرز' کے وژن سے متاثر ہو کر، ریلائنس فاؤنڈیشن اسکول اور دھیرو بھائی امبانی انٹرنیشنل اسکول کے اساتذہ ایک متاثر کن سیکھنے اور پڑھانے کا ماحول بناتے ہیں۔ جو بہترین ہندوستانی اور بین الاقوامی’ ارلی چائلڈ ہوڈ لرننگ پریکٹس‘ سے متاثر ہے۔ اپنے تجربے کی بنیاد پر، ریلائنس فاؤنڈیشن کا وژن پورے ہندوستان میں ابتدائی بچپن کی دیکھ بھال اور تعلیم کے منظر نامے کو تبدیل کرنے میں مدد کرنا ہے۔ یہ آنگن واڑی کارکنوں کی صلاحیتوں کو بڑھا کر کھیلوں پر مبنی تعلیم، خاص طور پر کم آمدنی والے اور پسماندہ طبقوں کے بچوں کو فراہم کرنے کے لیے کیا جا رہا ہے۔
مسلسل تعاون اور جدت طرازی آگے بڑھنے میں مدد کرتی ہے۔ متنوع خیالات اور بہترین طریقوں کے ایک منفرد اجتماع کے ساتھ، 'بلڈنگ فلاورشنگ فیوچرز' کانفرنس کا مقصد ایک متحرک پلیٹ فارم بنانا ہے جہاں پریکٹیشنرز ایک دوسرے سے سیکھتے ہیں۔ ماحولیاتی نظام کے اندر نئی قابل عمل حکمت عملیوں پر غور کریں، تاکہ ہندوستان کا ہر بچہ اپنی صلاحیت کو پورا کر سکے اور ایک خوشحال مستقبل کی طرف بڑھ سکے۔
یو این آئی۔ ایف اے۔م الف