OthersPosted at: Aug 17 2017 11:56AM وزیر اعلی کی تقریر نشر نہ ہونے کے معاملے میں پرسار بھارتی اور تریپورہ حکومت کے مابین زبانی جنگ
اگرتلہ، 17 اگست (یو این آئی) تریپورہ کے وزیر اعلی مانک سرکار کے 71 ویں یوم آزادی کے موقع پر خطاب نشر نہ ہونے کے معاملے کی بایاں محاذ کی پارٹیوں نے پرزور مخالفت کی ہے۔ اس سلسلے میں پرسار بھارتی اور ریاستی حکومت کے محکمہ اطلاعات کے مابین زبانی جنگ جاری ہے۔ تریپورہ انفارمیشن ڈائریکٹوریٹ کی جانب سے کل رات گئے جاری ایک بیان میں الزام لگایا گیا کہ مسٹر سرکار کی ریکارڈ کی گئی تقریر آل انڈیا ریڈیو اور دوردرشن پر نشر نہ کرنے کی اپنی غلطی کو چھپانے کیلئے پرسار بھارتی اب عوام کو گمراہ کرنے کی کوشش کر رہی ہے۔‘ واضح رہے کہ گزشتہ برسوں کی طرح اس سال بھی آل انڈیا ریڈیو اور دوردرشن نے 12 اگست کو وزیر اعلی کی تقریر ریکارڈ کی تھی لیکن اسے 14 اگست کی شام کو نشر نہیں کیا گیا۔ اس سے قبل پرسار بھارتی کے اگرتلہ دفتر کے انچارج یو کے ساہو نے ان الزامات کی تردید کرتے ہوئے کہا تھا کہ 15 اگست کو مسٹر سرکار کی تقریر 12 منٹ تک نشر کی گئی تھی اور اسے اگلے دن بھی دہرایا گیا تھا۔ یو این آئی۔ س ا