InternationalPosted at: Feb 22 2018 7:09PM ٹرمپ کی ٹیچروں کو بندوق دینے کی حمایت
واشنگٹن، 22 فروری (یواین آئی) امریکی صدر ڈونالڈ ٹرمپ نے بندوقوں سے ہونے والی تشدد پر وائٹ ہاؤس میں منعقد ایک پروگرام میں اسکولوں کو بندوق سے پاک زون بنانے اور ٹیچروں کو بندوقوں سے لیس کرنے کی حمایت کی ہے۔
مسٹر ٹرمپ نے کہا، ’’مسلح ٹیچر حملہ کو روک سکتا ہے‘‘۔ مسٹر ٹرمپ نے یہ تجویز ایک ایسے وقت میں دیا ہے جب گزشتہ ہفتے فلوریڈا کے اسکول میں فائرنگ کے بعد ان سے اس بات کی یقینی بنانے کی اپیل کی جا رہی ہے کہ ایسے حملے دوبارہ نہ ہوں۔
بی بی سی نیوز کے مطابق صدر نے بندوق خریدنے والوں کے پس منظر کی صحیح طریقے سے جانچ پڑتال کرنے کی اپیلوں کی بھی حمایت کی ہے۔
اس دوران حملے میں بچ جانے والوں نے فلوریڈا کے عوامی نمائندوں کے گن کنٹرول کے خلاف ریفرنڈم تیار کرنے کی کوشش کی ہے۔
مسٹر ٹرمپ نے منعقد پروگرام میں میجرري اسٹونمن ڈگل، ہائی اسکول کے اسٹوڈنٹس کو بتایا’’ہم پس منظر کی جانچ سختی سے کریں گے اور لوگوں کی ذہنی صحت پر زور دیں گے۔ اب پہلے کی طرح باتیں نہیں ہوں گی۔بہت طویل سلسلہ چلا ہے، بہت سے واقعات ہوچکے ہیں، اب ہم اسے ختم کریں گے‘‘۔
امریکی صدر نے اس تجویز کی بھی حمایت کی، جس کا پرچار گن لابی گروپ نیشنل رائفل ایسوسی ایشن (این آر اے ) کرتا رہا ہے۔
انہوں نے ٹیچرز اور دیگر اسٹاف کو بندوقوں سے لیس کرنے کی مانگ کی ' مضبوطی' سے حمایت کی۔ انہوں نے کہا’’اگر ٹیوٹر ہتھیار چلانے میں مہارت رکھتا ہے تو حملے کو فوری طور پر روکا جا سکتا ہے‘‘۔
یو این آئی،اظ 0928