InternationalPosted at: Oct 16 2019 9:49AM جاپان :’ہیگی بیز‘ طوفان میں ہلاک ہونے والوں کی تعداد 74 ہوگئی
ٹوکیو، 16 اکتوبر (اسپوتنك) جاپان میں شدید طوفان هیگی بیز سے مرنے والوں کی تعداد بدھ کو بڑھ کر 74 ہو گئی جبکہ 212 دیگر زخمی ہیں اور 15 افراد اب بھی لاپتہ ہیں۔
جاپان میں تیسرے روز بھی طوفان سے متاثرہ علاقوں میں امدادی کارروائیاں جاری ہیں جبکہ حکام نے 74 افراد کی ہلاکتوں کی تصدیق کی ہے، جس میں اضافے کا امکان ہے۔
غیر ملکی خبررساں ایجنسی کے مطابق طوفان کے باعث کئی پروازیں منسوخ ہوچکی ہیں اور ڈیڑھ لاکھ گھروں کو بجلی کی فراہمی بھی معطل ہے۔
بارشوں کے باعث ملک بھر میں 200 دریاؤں میں پانی کی سطح بلند ہے جبکہ140 مقامات پر لینڈ سلائیڈنگ کے واقعات پیش آئے ہیں۔
70 لاکھ سے زائد افراد طوفان کے باعث اپنے گھروں کو چھوڑ کر محفوظ مقام پر منتقل ہوگئے جبکہ شیلٹر ہومز میں صرف 50 ہزار افراد موجود ہیں۔
حکام نے مزید بارشوں کے خطرے کے پیش نظر شہریوں کو الرٹ رہنے کی ہدایت کی ہے۔
ہیگی بیز طوفان سے جاپان میں موسلادھار بارش کے ساتھ تیز ہوائیں چل رہی ہیں جس کی وجہ سے ملک میں ب لینڈسلائڈنگ کے 100 سے زائد واقعات سامنے آئیں ہیں۔ ہزاروں کی تعداد گھرپانی میں ڈوب گئے ہیں اور زیادہ تر علاقوں میں بجلی کی فراہمی ٹھپ ہو گئی ہے۔
اسپوتنک،اظ