انقرہ، 16 اکتوبر (اسپوتنك) ترکی کے صدر رجب طیب اردگان نے کہا کہ وہ امریکی پابندیوں سے فکر مند نہیں ہے اور وہ شمالی شام میں اپنی مہم کو جاری رکھے گا۔
مسٹر اردگان نے منگل کو کہا’’جب تک مہم تمام مقرر ہ مقاصد کو حاصل نہیں کر لیتی، یہ جاری رہے گی۔ ہمارا مقصد واضح ہے۔ ہم امریکی پابندیوں سے فکر مند نہیں ہیں۔ ہمارا مقصد سر حد سے 32 کلومیٹر اندر واقع دہشت گردوں کو ختم کرنے کا ہے‘‘۔ہم نے علاقے میں تال میل کے لئے امریکہ اور روس کے ساتھ بات چیت فی الحال روک دی ہے۔
مسٹر اردگان نے کہا’’میں نے کل امریکی صدر ڈونالڈ ٹرمپ سے بات کی، انہوں نے کہا کہ ہمیں جنگ بندی کا اعلان کرنا چاہئے لیکن ہم ایسا نہیں کریں گے۔ میں نے ان سے کہا کہ ہم کسی بھی دہشت گرد تنظیم کے ساتھ بات چیت نہیں کریں گے‘‘۔میں نے مسٹر ٹرمپ سے ایک وفد بھیجنے کے لئے کہا تاکہ ہم ہر چیز پر بحث کر سکیں‘‘۔
قابل ذکر ہے کہ پیر کو امریکی صدر ڈونالڈ ٹرمپ نے شمال مشرقی شام کے خلاف فوجی حملوں کو روکنے اور فوری طور پر جنگ بندی کے لئے ترکی پر دباؤ ڈالنے کے واسطے ایک ایگزیکٹیو آرڈر پر دستخط کئے۔ امریکہ نے ترکی کو خبردار کیا ہے کہ اگر ترکی شمال مشرقی شام میں اپنی مہم کو آگے بڑھاتا ہے تواسے مزید پابندیوں کا سامنا کرنا پڑ سکتا ہے۔
اسپوتنک،اظ