NationalPosted at: Jan 5 2018 3:20PM راجیہ سبھا اجلاس سرما ختم، پارلیمنٹ کو سیاست کی بھینٹ نے چڑھانے کی وینکیا نائیڈو کی اپیل
نئی دہلی، 5 جنوری (یو این آئی) راجیہ سبھا کے سرمائی اجلاس کی کارروائی آج غیر معینہ مدت کے لئے ملتوی کردی گئی، چیئرمین ایم وینکیا نائیڈو نے بہرحال اجلاس کے دوران کارروائیوں میں بار بار خلل پر تشویش ظاہر کرتے ہوئے اراکین سے کہا کہ وہ اپنے اعمال کا جائزہ لیں۔
وقفہ سوالات ختم ہوتے ہی چیئرمین نے کہا کہ راجیہ سبھا کا اجلاس سرما اپنے اختتام کو پہنچ رہا ہے اور یہ ہم سب کو موقع فراہم کرتا ہے کہ ہم اس بات کا جائزہ لیں کہ اس اجلاس میں ہمارا طرز عمل کیسا رہا۔
مسٹر نائیڈو نے اسی کے ساتھ یہ بھی کہا کہ اگرچہ پارلیمنٹ ایک سیاسی ادارہ ہے لیکن اسے سیاست کی بھینٹ نہیں چڑھانا چاہئے۔
انہوں نے بتایا کہ اجلاس کے دوران 9 بلوں کو منظوری دی گئی اور پرائیویٹ ممبروں کے 19 بل پیش کئے گئے۔
چیئرمین نے کہا کہ ایوان بالا میں معیشت کی حالت اور روزگار کے مواقع پیدا کرنے کی صورتحال کے علاوہ دہلی میں فضائی کثافت پر انتہائی سودمند بحث ہوئی ۔ چھیالیس اہم سوالوں کے جواب دیئے گئے اور وقفہ صفر میں 51 باتیں رکھی گیئں۔
آخر میں مسٹر نائیڈو نے قومی ترانہ پیش کرنے کو کہا اور پھر کارروائی غیر معینہ مدت کے لئے ملتوی کردی گئی۔
یو این آئی۔ سلام۔ شا پ۔ 1430